الماتىدا 19 ەكوپوست قويىلاتىن بولادى
بۇل تۋرالى الماتى اكىمىنىڭ اكىمىنىڭ ءبىرىنشى ورىنباسارى ەرلان قوجاعاپانوۆ ايتتى، دەپ حابارلايدى قازاقپارات ءتىلشىسى.
الماتىداعى ج ە و-2 بازاسىندا قازاقستاننىڭ جاڭا ەكولوگيالىق كودەكسى تالقىلانۋدا. ءىس- شاراعا ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ، ءماسليحات دەپۋتاتتارى، قوعامدىق كەڭەس مۇشەلەرى جانە ەكوبەلسەندىلەر قاتىسىپ جاتىر.
ەرلان قوجاعاپانوۆتىڭ ايتۋىنشا، 2020 -جىلى الماتىدا قورشاعان ورتاعا جالپى شىعارىندىلار 140 مىڭ توننانى قۇرادى. قالا اۋاسىنىڭ نەگىزگى لاستاۋشىسى - اۆتوكولىك، ج ە و-2، ج ە و-3 جانە جەكە سەكتور. سونىمەن قاتار، ول 2020 -جىلى الماتى اكىمىنىڭ قاۋلىسىمەن ديزەلدى وتىنمەن جۇرەتىن اۆتوبۋستاردى ساتىپ الۋعا تىيىم سالىنعانىن اتاپ ءوتتى.
«بۇگىندە قالادا ەلەكترمەن جۇرەتىن 17 جاڭا اۆتوبۋس بار. بيىل تاعى 39 اۆتوبۋس ساتىپ الۋ جوسپاردا»، - دەدى الماتى اكىمىنىڭ ءبىرىنشى ورىنباسارى ەرلان قوجاعاپانوۆ.
ونىڭ ايتۋىنشا، كوكتەمدە قالادا 19 ەكوپوست ورناتىلادى. «الماتىدا كوكتەمدە قالاعا كىرەتىن بارلىق جولدارعا ەكوپوست ورناتۋ باستالادى. وندا اۆتوكولىكتەردىڭ شىعارىندىلارى تەكسەرىلەدى»، - دەدى ول.
اۆتور: الما مۇقانوۆا