جەلتوقساننىڭ 19 ىنا ارنالعان اۋا رايى بولجامى

كاسىپورىن تاراتقان مالىمەتتەرگە قاراعاندا قازاقستاندا اۋا رايى ءالى دە قۇبىلمالى بولادى. رەسپۋبليكانىڭ باسىم بولىگىندە جاۋىن-شاشىن، تەك ەلىمىزدىڭ باتىسى، سولتۇستىك-باتىسىندا عانا كۇن جاۋىن-شاشىنسىز. كەي جەرلەردە تۇمان ءتۇسىپ، كوكتايعاق، بۇرقاسىن بولىپ، جەل كۇشەيەدى.

قىزىلوردا وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى. تاڭەرتەڭ جانە كۇندىز جەلدىڭ جىلدامدىعى سەكۋندىنا 15-20 مەترگە دەيىن جەتەدى.

اقمولا، تۇركىستان، جامبىل وبلىستارىنىڭ ءبىرقاتار اۋماقتارىندا تۇمان ءتۇسىپ، كوكتايعاق، بۇرقاسىن بولادى. جەلدىڭ جىلدامدىعى 15-20 م/س- كە دەيىن كۇشەيۋى مۇمكىن. قوستاناي، سولتۇستىك قازاقستان، پاۆلودار وبلىستارىنىڭ كەي جەرلەرىندە تۇمان ءتۇسىپ، بۇرقاسىن بولىپ، كۇندىز جەلدىڭ جىلدامدىعى سەكۋندىنا 15-20 مەترگە جەتەدى.

شىعىس قازاقستان وبلىسىنىڭ كەي جەرلەرىندە جاياۋ بۇرقاسىن، جولداردا كوكتايعاق بولۋى ىقتيمال. جەلدىڭ جىلدامدىعى سەكۋندىنا 15-20 مەترگە جەتەدى. الماتى، اتىراۋ، باتىس قازاقستان، اقتوبە، قاراعاندى وبلىستارىنىڭ كەي جەرلەرىنە تۇمان تۇسەدى.

الماتى وبلىسىنىڭ ءبىرقاتار اۋماقتارىندا كوكتايعاق بولادى.

كۇندىز قاراعاندى وبلىسىنىڭ كەي جەرلەرىندە جەلدىڭ جىلدامدىعى سەكۋندىنا 18 مەترگە جەتەدى.