تۇركسويعا مۇشە 19 ەلدىڭ جازۋشى-رەداكتورلارى لاتىن قارپىنە ءوتۋدى قولدادى

استانا. قازاقپارات - تۇركسوي حالىقارالىق ۇيىمىنا مۇشە 19 ەلدىڭ جازۋشى رەداكتورلارى لاتىن قارپىنە ءوتۋدى قولدادى، دەپ حابارلايدى و ق و اكىمىنىڭ باسپا ءسوز قىزمەتى.
None
None

«بولاشاققا باعدار: رۋحاني جاڭعىرۋ» اتتى ماقالاسىنىڭ اياسىندا 2017-جىلعى 12-13- قىركۇيەك كۇندەرى تۇركىستان قالاسىندا تۇركى الەمى ادەبي جۋرنالدارى رەداكتورلارىنىڭ Ⅷ كونگرەسى ءوتتى.

وڭتۇستىك قازاقستان وبلىسى اكىمدىگىنىڭ ۇيىمداستىرۋىمەن تۇركسوي حالىقارالىق ۇيىمى، ەۋرازيا جازۋشىلار وداعىنىڭ قولداۋىمەن وتەتىن كونگرەسكە 19 ەلدەن 30 عا جۋىق رەداكتورلار مەن جازۋشىلار، كورنەكتى مادەنيەت قايراتكەرلەرى قاتىستى.

تۇركيا، يران، يراك، قىرىم (ۋكراينا)، ازەربايجان، وزبەكستان، قىرعىزستان، التاي (ر ف)، داعىستان (ر ف)، تاتارستان (ر ف)، باشقۇرتستان (ر ف)، كاباردين-بالقار (ر ف) ، ساحا-ياكۋتيا (ر ف)، كوسوۆو، ماكەدونيا، سولتۇستىك كيپردان جانە قازاقستاننىڭ بىرنەشە قالاسىنان كەلگەن بەلگىلى ادەبيەتشىلەر بايانداما جاسادى.

كونگرەسس بارىسىندا قازاقستاننىڭ لاتىن قارپىنە ءوتۋ ماسەلەسى قىزۋ تالقىلاندى. جيىن بارىسىندا، تۇركسوي باس حاتشىسىنىڭ ورىنباسارى فىرات پۋرتاش: «لاتىن الىپبيىنە كوشۋ - سىزدەردىڭ تىلدەرىڭىز ءۇشىن جاسالعان يگى قادام. تۇركى ەلدەرىنىڭ اقساقالى ن. نازاربايەۆتىڭ بۇل باستاماسى تاريحتا التىن ارىپتەرمەن ورىن الارى ءسوزسىز»، - دەگەن پىكىر ءبىلدىردى.

سونداي-اق، ەۋرازيا جازۋشىلار وداعىنىڭ ءتوراعاسى ياكۋپ ومەروعلۋ: «قازاق ەلىنىڭ لاتىن قارپىنە كوشۋى باستاماسىن قۇپتارلىق باستاما. بۇل دەگەنىمىز تۇركى ەلدەرىنىڭ باۋىرلاستىعى تەك تىلىندە عانا ەمەس جازۋىندا دا جاقىنداي تۇسەدى دەگەن ءسوز»، - دەگەن ىستىق لەبىزىن جەتكىزدى.

«تۇركىستان - تۇركى مادەنيەتىنىڭ استاناسى» مادەني جوباسىنىڭ اياسىندا وتكىزىلەتىن كونگرەسس جۇمىسىنا وڭتۇستىك قازاقستان وبلىسى اكىمىنىڭ ورىنباسارى ۇلاسبەك سادىبەكوۆ، تۇركسوي حالىقارالىق ۇيىمىنىڭ باس حاتشىسىنىڭ ورىنباسارى فىرات پۋرتاش، ەۋرازيا جازۋشىلار وداعىنىڭ ءتوراعاسى ياكۋب ومەروگلى، قازاقستان جازۋشىلار وداعىنىڭ حاتشىسى، «جۇلدىز» جۋرنالىنىڭ باس رەداكتورى، مەملەكەتتىك سىيلىقتىڭ يەگەرى، اقىن  ۇلىقبەك ەسداۋلەت جانە ت. ب. ادەبيەت جانە مادەنيەت قايراتكەرلەرىنىڭ قاتىستى.

سوڭعى جاڭالىقتار