دەنەسى وسپەي قالعان 19 جاستاعى بويجەتكەن ەلەگەندە ءومىر ءسۇرىپ جاتىر - فوتو
الايدا ول بەلگىسىز اۋرۋمەن زارداپ شەگىپ كەلەدى: ونىڭ دەنەسى دامىماي قالعاندىقتان، ءاردايىم وسى اۋرۋدىڭ قيىندىعىن سەزىنۋگە ءماجبۇر. كەمشىلىگىنە بايلانىستى قىز ەلەگەندە ءومىر سۇرۋدە.
بۇل تۋرالى Daily Mail حابارلايدى.
19 جاستاعى راحما ساپ-ساۋ بولىپ ومىرگە كەلگەنىمەن، التىنشى ايدان باستاپ ونىڭ دەنەسى دامۋىن توقتاتقان. «التى ايلىعىندا وتىرۋدى توقتاتقاننان كەيىن ءبارى باستالدى. ول وتىرۋدى اقىرى ۇيرەنە المادى. باستاپقىدا تەك تەمپەراتۋراسى عانا بولعان. كەيىن ءىشى اۋىرا باستادى. سوسىن دەنەسى، قولى، اياعى قوسىلدى. بۇلاي اۋىرعان كەزدە قوزعالا دا المايدى»، - دەيدى اناسى فادي.
راحمانىڭ وتباسى قىزدىڭ دۇرىستاپ ءومىر ءسۇرۋى ءۇشىن بارلىق جاعدايدى جاساپ كەلەدى. ونى ءارى-بەرى ەلەگەن ىشىندە الىپ جۇرەدى. «ولار ماعان قاتتى كومەكتەسەدى. نە كەرەك ءبارىن بەرىپ جاتىر» دەيدى.
قىز ون جاسار ءىنىسى فاحادپەن جاقسى دوس. «مەن وعان كومەكتەسەمىن. ماسەلەن، شومىلدىرامىن. سوسىن كۇن سايىن قىدىرۋعا الىپ شىعامىن. ادامدار وعان كومەكتەسىپ جاتسا ءوزىمدى باقىتتى سەزىنەمىن. ونى تۋىستارىما الىپ بارعان ۇنايدى. ول دا بىزگە ريزا»، - دەيدى بالا.
راحمانىڭ اۋرۋىنىڭ سەبەبى بەلگىسىز. قانشا رەت تەكسەرتۋگە تىرىسقانىمەن، ناتيجە شىقپاعان. «ونى ەمدەتۋگە 15 جىل جۇمسادىم. ءوزىم فەرمادا جۇمىس ىستەيمىن. ونىڭ جاعدايىن جاساۋ ءۇشىن ساۋدامەن اينالىسىپ، تىنىم تاپپايمىن. نە بار سونىڭ ءبارىن ساتتىم. قازىرگە دەيىن ميلليون نايردان (3,5 مىڭ دوللار) استام اقشا جۇمساپپىن»، - دەيدى اكەسى.
دارىگەرلەردىڭ ءبىرقاتارى يسلام ميفولوگياسىنداعى جاراتىلىس جىن قىزعا كىرىپ كەتكەن بولۋى مۇمكىن دەگەن. ونىڭ وتباسى قىزدىڭ كۇن سايىنعى اۋرۋىن ەمدەۋ ءۇشىن قايىرىمدىلىق ۇيىمدارى مەن مەديتسينا ماماندارى نازار اۋدارادى دەگەن ۇمىتتە.
جاقىندا جەرگىلىكتى باسپا ءسوز راحما تۋرالى جازىپ، قىز بىرنەشە سىيلىق الدى. ولاردىڭ العاشقىسى مۇگەدەكتەر ارباسى بولدى.
راحماعا تىكەلەي كەزىگىپ جاتقان كۇن سايىنعى قيىندىقتارعا قاراماستان، قىز ارمانىنىڭ بولاشاقتا ورىندالارىنا قاتتى ۇمىتتەنەدى. ول ءوزىنىڭ جەكە دۇكەنىن اشقىسى كەلەدى. «نە ىستەسەم دە قۇدايعا راحمەت ايتامىن. مەن ءوز ءىسىمدى باستاعىم كەلەدى»، - دەيدى ول.
