بەلگىسىز بىرەۋ 19 جاستاعى ءانشى قىزدى «داۋىس» كونكۋرسىنا قاتىسقانى ءۇشىن باسىنان اتتى
قازىر ول اۋىر حالدە اۋرۋحاناعا جەتكىزىلدى، دەپ حابارلايدى lifenews.ru.
فولك ستيلىندە ءان سالاتىن كايا تۇرىك جەرىندە وتەتىن «داۋىس» كونكۋرسىنا قاتىسقان العاشقى كۇننەن باستاپ، قورقىتۋ-ۇركىتۋگە ۇشىراعان ەكەن.
اقىرى ءوز ۇيىندە سايىسقا كەزەكتى دايىندىق وتكىزىپ جاتقان جەرىنەن ونى مىلتىقپەن كوزدەگەن ەر ادام تەرەزەدەن اتىپ، باسىنا ءدال تيگەن.
مۋتلۋ كايا كۇردتەر ەڭ كوپ تۇراتىن ديارباكىر اۋدانىنان شىققان وسى ەتنوستىڭ وكىلى بولىپ تابىلادى. ال مۇنداعى حالىق ايەل زاتىنىڭ قوعامداعى ورنىنا قاتىستى وتە قاتاڭ تالاپتار قويادى ەكەن.
سول سەبەپتى ءانشى قىزدىڭ تۇركياداعى ۇلتتىق تەلەۆيزيادان بۇكىل ەلگە تاراتىلاتىن «داۋىس» كونكۋرسىنا قاتىسۋىن قايتكەندە دە بولدىرماۋ ءۇشىن ەر ادام ونى اتىپ تىنعان. قازىر ول ۇستالىپ، پوليتسيا بولىمشەسىندە تۇسىنىكتەمە بەرۋدە.
دايىنداعان: گ. ابيلوۆا
24.kz
