شاڭحايدا العاشقى سايلاۋشى 19 جاسار ستۋدەنت بولدى - فوتو

بەيجىڭ- شاڭحاي. قازاقپارات - جەرگىلىكتى ۋاقىت بويىنشا ساعات 07:01-دە شاڭحايداعى قازاقستان رەسپۋبليكاسىنىڭ باس كونسۋلدىعىنداعى 244№ سايلاۋ ۋچاسكەسىندە (ق ح ر) العاشقى بولىپ شاڭحاي حالىقارالىق بيزنەس جانە ساۋدا ۋنيۆەرسيتەتىندە ءبىلىم الىپ جۇرگەن 19 جاستاعى ستۋدەنت ءمادينا باقىتبەك داۋىس بەردى.

«مەن ەندى عانا 19 جاسقا تولدىم، بۇل مەنىڭ ومىرىمدە قاتىسىپ وتىرعان العاشقى سايلاۋ. مەن شەتەلدە بولسام دا، ءبىزدىڭ ەلىمىزدىڭ پرەزيدەنتىن تاڭداۋ بويىنشا ءوزىمنىڭ كونستيتۋتسيالىق قۇقىعىمدى پايدالانا الاتىنىمدى ماقتان تۇتامىن»، - دەدى ول.

244№ سايلاۋ ۋچاسكەسىندەگى العاشقى سايلاۋشى ەستەلىك سىيلىقپەن - وليمپيادا ويىندارىنىڭ جۇلدەگەرى، شاڭحايدا بيىلعى جىلى مانەرلەپ سىرعاناۋدان وتكەن الەم چەمپيوناتىندا 3- ورىندى يەلەنگەن دەنيس تەنننىڭ اتىنان جۇمساق ايۋ ويىنشىقپەن ماراپاتتالدى.

ەستەرىڭىزگە سالا كەتەيىك، شاڭحاي قالاسىنداعى، جياڭسۋ، جياڭشي، انحوي، چجەتسزيان جانە فۋجياڭ پروۆينتسيالارىنداعى قازاقستان ازاماتتارى ق ر پرەزيدەنتىن سايلاۋ ءۇشىن شاڭحايداعى قازاقستان رەسپۋبليكاسىنىڭ باس كونسۋلدىعىنداعى 244№ سايلاۋ ۋچاسكەسىندە داۋىس بەرە الادى.