ب ا ق: كيم چەن ىن مەن اكەسى 1990-جىلدارى برازيليا پاسپورتىن زاڭسىز العان

None
None
استانا. قازاقپارات - سولتۇستىك كورەيا باسشىسى كيم چەن ىن مەن ونىڭ اكەسى كيم چەن ير 1990-جىلدارى باتىس ەلدەرىنە ۆيزا جاساتۋ ءۇشىن تەرىس جولمەن العان برازيليالىق پاسپورتتى پايدالانعان دەپ حابارلادى دەرەككوزدەرىنە سىلتەگەن Reuters اگەنتتىگى.

پاسپورتتار يوزەف پكاح پەن يدجونگ چويدىڭ اتىنا راسىمدەلگەن. ول پاسپورتتار كەم دەگەندە باتىستىق ەكى ەلدىڭ ەلشىلىگىنەن ۆيزا الۋدا قولدانىلعان. كيم چەن ىننىڭ سۋرەتى بار پاسپورتتاعى ادامنىڭ تۋعان كۇنى 1983-جىلدىڭ 1- اقپانى دەپ كورسەتىلگەن. ال كيم چەن يردىڭ سۋرەتى بار پاسپورتتاعى ادامنىڭ تۋعان كۇنى 1940-جىلدىڭ 4- ءساۋىرى دەپ كورسەتىلگەن. اگەنتتىك دەرەگىنشە، بۇل پاسپورتتار برازيليا، جاپونيا جانە گونكونگكە بارعاندا پايدالانىلعان بولۋى مۇمكىن.

دەرەككوزدەرىنىڭ ءبىرىنىڭ ايتۋىنشا، مۇنداي پاسپورتتى يەلەنۋ سولتۇستىك كورەيا باسشىلارىنىڭ ساياحات جاساۋعا ىنتالى ەكەنىن جانە قاۋىپ تونسە سولتۇستىك كورەيادان كەتىپ قالۋ مۇمكىندىگىنە يە بولۋ نيەتى بارىن بىلدىرەدى.

سولتۇستىك كورەيانىڭ برازيلياداعى ەلشىلىگى بۇل اقپاراتقا قاتىستى كوممەنتاري بەرۋدەن باس تارتتى. برازيليا سىرتقى ىستەر مينيسترلىگى اقپاراتتى تەكسەرەتىنىن حابارلادى.

سوڭعى جاڭالىقتار