جاس بويجەتكەن جارتى جىلدا 196 ەلدى ارالاپ، گيننەستىڭ رەكوردتار كىتابىنا ەندى

استانا. قازاقپارات - امەريكالىق ساياحاتشى كاسساندرا دە پەكول جارتى جىلدا 196 ەلگە بارىپ، گيننەستىڭ رەكوردتار كىتابىنا ەندى.

27 جاستاعى قىزدىڭ ساياحاتى 2015 -جىلدىڭ شىلدە ايىندا باستالعان. كاسساندرا الەمنىڭ بارلىق ەلىنە بارعان العاشقى ايەل كىسى اتاندى. سونداي-اق، ول وتە قىسقا مەرزىمدە ساياحاتتاعان العاشقى ساياحاتشى بولدى. امەريكالىق ەڭ سوڭعى بولىپ يەمەنگە ات باسىن تىرەگەن. ورتا ەسەپپەن كاسساندرا ءبىر ەلدە ءبىر كۇننەن بەس كۇنگە دەيىن تۇراقتاعان. سونىمەن قاتار، ول جەرگىلىكتى تۇرعىندارعا ءتۇرلى تانىستىرىلىمدار مەن دارىستەر وتكىزىپ ۇلگەرگەن. ساياحاتتاۋ ءۇشىن ول $200 مىڭ قارجى جۇمساعان. مۇنىڭ ۇستىنە وعان ساياحات بارىسىندا كەزدەسكەن تانىمايتىن بەلگىسىز ادامدار دەمەۋشىلىك جاساپ وتىرعان.