لاتىن الىپبيىمەن 1942 -جىلى جازىلعان حات كورمەگە قويىلدى - فوتو
«بۇرىننان ساقتالىپ كەلە جاتقان قۇجاتتاردىڭ ءبىراز بولىگى تاريحي مانگە يە، سوندىقتان ولاردى وقۋ تاريحتىڭ ازىرگە بەلگىسىز بەتتەرىن اشۋعا سەپتىگىن تيگىزەدى. پاپكالاردىڭ بىرىنەن بىرەگەي قۇجاتتى تاپتىق. ول - مايداندا جۇرگەن شوقان قارجاۋوۆتىڭ جۇبايىنا جازعان حاتى. حات 1942 -جىلى جازىلعان. بۇل قازاقتاردىڭ كيريلليتساعا وتكەن 1940 -جىلدان كەيىن دە وزدەرىنە ۇيرەنشىكتى لاتىن جازۋىن قولدانا بەرگەنىن دالەلدەيدى»، - دەيدى مۋزەي ديرەكتورى راشيدا حاريپوۆا.
كورمەدەن: لاتىن گرافيكاسىمەن جازىلعان پارتيالىق كونفەرەنسيا دەلەگاتىنىڭ مانداتى مەن كومسومول بيلەتىن، ديپلوم، قۇرمەت گراموتاسى، كىتاپ سياقتى ەكسپوناتتاردى تاماشالاۋعا بولادى.
مۋزەي قىزمەتكەرلەرىنىڭ پىكىرىنشە، قىرقىنشى-ەلۋىنشى جىلدارى جاسىرىلعان لاتىن گرافيكاسىمەن جازىلعان قۇجاتتار ارحيۆتەردىڭ تۇكپىر-تۇكپىرلەرىندە ءالى دە كوپتەپ تابىلۋى مۇمكىن. قورلاردان لاتىن گرافيكاسىنداعى قۇجاتتاردى ىزدەۋ ارقىلى عالىمدار تاريحتىڭ بەلگىسىز بەتتەرىن اشۋعا ۇمىتتەنىپ وتىر. ونىڭ ۇستىنە، بىرنەشە جىلدان سوڭ وسى قۇجاتتاردىڭ بارلىعى ەلگە ۇعىنىقتى بولادى.
