زۇلماتتى كەزەڭ 1937-1938 - جىلدارى 25 مىڭنان اسا زيالى قاۋىم جازالانعان

استانا. قازاقپارات - قازاق دالاسىنداعى الاپات اشتىققا ۇرىندىرعان ساياساتتىڭ نەگىزى -  ارىدە جاتىر.

1932 - جىلى تۇتاس قازاق دالاسىن اشتىق جايلاعانىمەن، ونىڭ العاشقى كورىنىسى 1921 -جىلدىڭ وزىندە-اق قاتتى بىلىنگەنى انىق.

الاش كوسەمى احمەت بايتۇرسىنوۆ 1921 - جىلى وقيعا تۋرالى: «اۋرۋ ادامنىڭ، اش ادامنىڭ ەسى، اقىلى ورنىندا بولمايدى. وتكەن قىس اشتىق بولدى. اشىققان ادام ءبىرىنىڭ ەتىن ءبىرى جەدى»، دەپ جازادى.

قازاق تاريحىنىڭ زۇلماتتى كەزەڭى سانالاتىن 1937-1938 - جىلدارى 25 مىڭنان اسا زيالى قاۋىم جازالانعان. 103 مىڭ ادامعا ساياسي ايىپ تاعىلىپ، سوتتالىپ كەتتى. سولاردىڭ ءبىرى -  ءىلياس جانسۇگىروۆ ەدى. ءىلياستىڭ تۇڭعىش ۇلى سايات سول كەزدە 7 جاستا ەكەن. رەپرەسسيا كەزىندەگى وقيعالاردىڭ ءبارى ءالى كۇنگە دەيىن كوز الدىمدا، دەيدى.

«اكەم قوناقتارىمەن بىرگە تاۋدا ءۇي تىگىپ دەمالىپ جاتاتىن. ۇيگە دە جولىقتىرماي. سول جەردەن الىپ كەتىپتى. سول كەتكەننەن تۇرمەدە ۇزاق جاتتى. 1938 - جىلى 26 - اقپاندا اتىلدى»، - دەيدى سايات ءىلياس ۇلى.

سول جىلدارى ءبىرىنشى سىنىپقا ارعان سايات ءىلياس ۇلىن «حالىق جاۋىنىڭ كۇشىگى»، دەپ كەمسىتكەن. ءىلياس جانسۇگىروۆكە «جاپون ەلىنىڭ تىڭشىسى»، «ۇلتشىل» دەگەن جالا جابىلدى. ال، 1957 - جىلى 12 - ساۋىردە تولىق اقتالدى.

 

kaztrk.kz