قازاقستاندا جاسالعان: پەتروپاۆلدىڭ ماكارون زاۋىتىندا تاۋلىگىنە 192 توننا ءونىم شىعارىلادى - فوتو
بۇل تۋرالى «سۇلتان» ا ق ديرەكتورىنىڭ كومەكشىسى ەلەنا تكاچيەۆا حابارلادى.
«ءبىز ماكاروننىڭ 30 دان استام ءتۇرىن شىعارامىز. ءبىر ساعاتتىڭ ىشىندە 8 مىڭ توننا ءونىم شىعارامىز. تاۋلىگىنە - 192 توننا. بارلىق جابدىقتار زاماناۋي، شۆەيتساريالىق. جۇمىس تاۋلىك بويى توقتامايدى. وتكىزەتىن نارىعىمىز - قازاقستان، رەسەي، ۋكراينا، قىرعىزستان، اۋعانستان، تاجىكستان. ازىق-تۇلىك ءونىمى قاۋىپسىزدىگى سالاسىندا كەدەندىك وداققا كىرگەن تۇستان باستاپ، تاۋارلاردى ك و تالاپتارىنا سايكەس دەكلاراتسيالايمىز. ءبىز ءبىر ورىندا تۇرمايمىز، ءاردايىم جۇمىسىمىزدى جەتىلدىرىپ وتىرامىز. ءبىزدىڭ ءونىم «قازاقستاندا جاسالعان» ماركاسىنىڭ ابىرويلى وكىلى بولىپ تابىلادى. ءبىزدىڭ ۇرانىمىز - «جوعارى ساپا، ءتۇرلى ءونىم جانە قولجەتىمدى باعا»، - دەيدى ەلەنا تكاچيەۆا.
«سۇلتان» ا ق - تەك ۇن مەن ماكارون عانا ەمەس، وندا 93000 توننالىق ەليەۆاتور دا بار. ول جىلىنا 100-120 مىڭ توننا ءبيدايدى قابىلداپ، كەپتىرىپ، ساقتاي الادى. كاسىپورىندا 360 ادام جۇمىس ىستەيدى.
