15:04, 20 - مامىر 2020 | GMT +5
كوكشەتاۋدا سالماعى 190 كەلىگە جۋىق جۇكتى ايەل امان- ەسەن بوساندى
كوكشەتاۋ. قازاقپارات - كوكشەتاۋ قالاسىنداعى اقمولا وبلىستىق پەريناتالدىق ورتالىعىندا سالماعى 189 كەلى جۇكتى ايەلگە كەسار تىلىگى وتاسى جاسالدى،
دەپ حابارلايدى «قازاقپارات» وبلىستىق اۋرۋحانانىڭ باسپا ءسوز قىزمەتىنە سىلتەمە جاساپ.
كوپ بەيىندى وبلىستىق اۋرۋحاناسىنىڭ مالىمەتىنشە، ايەلدىڭ سالماعىنىڭ اۋىرلىعىنا جانە جاناما دەرتىنىڭ بولۋىنا بايلانىستى انەستەزيولوگيالىق جانە حيرۋرگيالىق پروتسەدۋرالاردى قولدانىپ جەدەل بوساندىرۋ كەزىندە تەحنيكالىق قيىندىقتار بولعان.
«وسى وتادان كەيىن اسقىنۋ قاۋپى بولاتىندىقتان بۇل اسا كۇردەلى وتا بولىپ سانالادى. دەگەنمەن بريگادا جۇكتەلگەن مىندەتتى ابىرويمەن ورىندادى. وتا ءساتتى ءوتتى. انا مەن بالانىڭ جاعدايى تۇراقتى»، - دەدى وبلىستىق اۋرۋحانانىڭ باس دارىگەرى نۇرلان جاروۆ. الداعى ۋاقىتتا ءبارى ويداعىداي بولسا انا مەن بالا ۇيىنە قايتارىلادى.
اۆتورى : مايرا قۋانىش قىزى
