ەۋرو وداق نەپال وكىمەتىنە 19,6 ميلليون ەۋرو كومەك بەرۋگە نيەتتى

بريۋسسەل. قازاقپارات - ەۋروكوميسسيا نەپال وكىمەتىنە 16,6 ميلليون ەۋرو قارجىلىق قولداۋ كورسەتۋدى، سونداي- اق حالىققا قوسىمشا 3 ميلليون ەۋرو گۋمانيتارلىق كومەك بەرۋدى ماقۇلدادى.

بۇل تۋرالى دۇيسەنبى كۇنى تاراتىلعان كومميۋنيكەدە ايتىلعان.

قارجىلىق قولداۋ قاراجاتتارى نەپال ۇكىمەتىنىڭ اتىنا وسى اپتانىڭ سوڭىنا قاراي كەلىپ تۇسەدى.

«بۇل قولداۋ نەپال حالقىمەن ءبىزدىڭ ىنتىماقتاستىعىمىزدى بىلدىرەدى. نەپال ۇكىمەتى ءۇشىن كومەك كورسەتۋ جالعاسۋى ومىرلىك قاجەتتىلىك، سونداي- اق ول جويقىن جەر سىلكىنىسىنەن كەيىنگى قالپىنا كەلتىرۋ جۇمىستارىن باستاۋعا مۇمكىندىك بەرەدى»، - دەدى ە و- نىڭ حالىقارالىق ىنتىماقتاستىق جانە دامۋ جونىندەگى كوميسسارى نيەۆەن ميميتسا.

ەسكە سالا كەتەيىك، 25 - ساۋىردە نەپالدا جويقىن جەر سىلكىنىسى بولىپ، 70 مىڭعا تارتا ۇيلەردى، جولداردى، كوپىرلەردى، ەسكى حرامداردى جانە باسقا دا قۇرىلىستاردى تولىق قيراتتى. ەل بيلىگىنىڭ سوڭعى مالىمەتتەرى بويىنشا، تابيعي اپات سالدارىنان 7365 ادام كوز جۇمدى، تاعى  14366 ادام زارداپ شەكتى.