22:14, 02 - تامىز 2016 | GMT +5
باحرەيندە قۇلدىققا تۇسكەن قازاقستان ازاماتشالارى - 19-20 جاستا
استانا. قازاقپارات - ق ر سىرتقى ىستەر مينيسترلىگى باحرەيندە سەكسۋالدىق قۇلدىققا تۇسكەن قازاقستان ازاماتشالارىنىڭ جاستارىن جاريا ەتتى.
«ەكى ازاماتشا، بىرەۋى 1997 -جىلى تۋعان، بىرەۋى - 1996 -جىلعى»، - دەپ اتاپ ءوتتى ق ر س ءى م باسپا ءسوز حاتشىسى ءانۋار جايناقوۆ «قازاقپارات» تىلشىسىنە بەرگەن جاۋابىندا.
ايتا كەتەيىك، بۇنىڭ الدىندا حابارلاعانىمىزداي، باحرەيندە قازاقستاننىڭ ەكى ازاماتشاسى سەكسۋالدىق قۇلدىققا ءتۇسىپ قالعان.
قازاقستاننىڭ ساۋد ارابياسىنداعى جانە باحرەيندەگى ەلشىسى باحىت باتىرشايەۆتىڭ ايتۋىنا قاراعاندا، قازاقستاندىق ازاماتشالار قۇلدىققا تۇسكەنى تۋرالى مالىمەتتەر بىرنەشە كۇن بۇرىن تاراعان. قازىرگى ۋاقىتتا ولار بوساتىلدى جانە بۇگىن قازاقستانعا جەتكىزىلدى.
اۆتور: جاسۇلان جولدىبايەۆ
