بەلارۋس پرەزيدەنتى 19-20- ناۋرىز كۇندەرى قازاقستانعا جۇمىس ساپارىمەن كەلەدى

استانا. قازاقپارات - 19-20 ناۋرىز كۇندەرى بەلارۋس پرەزيدەنتى الەكساندر لۋكاشەنكو قازاقستانعا جۇمىس ساپارىمەن كەلەدى، دەپ حابارلايدى بەلتا بەلارۋس ەلىنىڭ باسشىسىنىڭ باسپا ءسوز قىزمەتىنە سىلتەمە جاساپ.

ساپار باعدارلاماسىندا بەلارۋس مەملەكەتى باسشىسىنىڭ قازاقستان پرەزيدەنتى نۇرسۇلتان نازاربايەۆپەن كەزدەسۋى جوسپارلانعان، وندا ەكىجاقتى كۇن ءتارتىبىنىڭ ماڭىزدى ماسەلەلەرى قاراستىرىلماق.

ساپار بارىسىندا الەكساندر لۋكاشەنكو بەلارۋس، قازاقستان جانە رەسەي پرەزيدەنتتەرىنىڭ ءۇشجاقتى كەزدەسۋىنە قاتىسۋى كۇتىلىپ وتىر. مەملەكەت باسشىلارى ەۋرازيالىق ەكونوميكالىق وداق جۇمىسىنداعى قازىرگى ساۋدا- ەكونوميكالىق ماسەلەلەردى تالقىلاۋدى جوسپارلاۋدا.

پرەزيدەنتتەر سونداي- اق حالىقارالىق كۇن تارتىبىندەگى ءۇش ەلدىڭ مۇددەسىن كوزدەيتىن كەيبىر ماسەلەلەردى قاراستىراتىن بولادى.