تۇركيادا جەر سىلكىنىسىنەن كوز جۇمعاندار سانى 18 مىڭنان استى

استانا. انادولى- قازاقپارات - تۇركيادا جەر سىلكىنىسىندە كوز جۇمعاندار سانى 18 مىڭنان اسىپ، جاراقات العاندار سانى 74 مىڭعا جەتتى، دەپ حابارلايدى قازاقپارات انادولى اگەنتتىگىنە سىلتەمە جاساپ.

تۇركيا توتەنشە جاعدايلار باسقارماسىنىڭ (AFAD) سوڭعى مالىمەتى بويىنشا، تۇركياداعى جەر سىلكىنىسى كەزىندە 18 342 ادام كوز جۇمىپ، 74242 ادام زارداپ شەككەن.

تۇركيا توتەنشە جاعدايلار باسقارماسىنىڭ (AFAD) سوڭعى مالىمەتى بويىنشا، تۇركياداعى جەر سىلكىنىسى كەزىندە 17406 ادام كوز جۇمعان ەدى.

6-اقپان كۇنى تۇركيانىڭ كاحرامانماراش- پازاردجيك اۋدانىندا 7,7 بالل قۋاتىمەن جانە ەلبيستاندا 7,6 بالل قۋاتىمەن جەر سىلكىنگەننەن كەيىن 648 افتەرشوك بولعان.

جەراستى ءدۇمپۋى ەلدىڭ 10 پروۆينتسياسىندا، سونداي- اق كورشىلەس ەلدەردە، سونىڭ ىشىندە سيريادا سەزىلدى.

ەسكە سالساق، قازاقستاندىقتار تۇركيا حالقىنا كومەك رەتىندە 100 گە جۋىق كيىز ءۇي جىبەرەدى.

قازاقستان ۇكىمەتى تۇركياعا گۋمانيتارلىق كومەك رەتىندە $1 ميلليون ءبولدى.

سونداي- اق Kaspi.kz قوسىمشاسى ارقىلى تۇركيادا زارداپ شەككەندەرگە قاراجات اۋدارۋعا بولادى.