تەستىلەۋگە جالعان قۇجاتپەن كىرمەك بولعان 18 ادام ۇستالدى
بۇل تۋرالى ق ر ءبىلىم جانە عىلىم ۆيتسە-ءمينيسترى قۋانىش ەرعاليەۆ ايتتى، دەپ حابارلايدى قازاقپارات ءتىلشىسى.
«تۇسۋشىلەر ءۇش دەڭگەيلى جۇيە بويىنشا - Face ID جەكە باسىن سايكەستەندىرۋ جۇيەسى ارقىلى، جەكە كۋالىگى بويىنشا جانە جانە وتىرعىزۋ ورنىمەن جەكە باسىن سايكەستەندىرۋ ارقىلى تەكسەرىلىپ، تەستىلەۋگە جىبەرىلدى. Face ID جۇيەسىنىڭ ارقاسىندا تەستىلەۋگە جىبەرۋ بارىسىندا 18 بوتەن ادام انىقتالدى»، - دەدى ول مينيسترلىكتىڭ اپپارات جينالىسىندا.
ونىڭ اتاپ وتۋىنشە، 2020 -جىلمەن سالىستىرعاندا انىقتالعان مۇنداي ادامداردىڭ سانى 2 ەسەگە وسكەن.
«18 ادامنىڭ 9 ىنا قىلمىستىق ءىس قوزعالدى. بۇل رەتتە استانالىق 4 وقۋشى جەكە باسىن كۋالاندىراتىن قۇجاتتارىن قولدان جاساتىپ، وزدەرىنىڭ ورنىنا جوعارى وقۋ ورنىنىڭ ستۋدەنتىن جىبەرگەن ەكەن. تيىسىنشە ولاردىڭ دەرەكتەرى قۇقىق قورعاۋ ورگاندارىنا تاپسىرىلىپ، تەرگەۋ امالدارى جۇرگىزىلىپ جاتىر»، - دەدى قۋانىش ەرعاليەۆ.
