يندۋستريالاندىرۋ كۇنى اياسىندا 18 جاڭا جوبا ىسكە قوسىلادى
بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك ايتتى، دەپ حابارلايدى قازاقپارات.
«باقىتجان ءابدىر ۇلى، 6 - جەلتوقساندا يندۋستريالاندىرۋ كۇنى اياسىندا ءبىز اعىمداعى جىلعى يندۋستريالاندىرۋدىڭ قورىتىندىسىن شىعاراتىن بولامىز. تەلەكوپىر بارىسىندا جالپى سوماسى 399 ميلليارد تەڭگەنى قۇرايتىن 18 جوبانى ىسكە قوسۋدى جوسپارلاپ وتىرمىز»، - دەدى جەڭىس قاسىمبەك.
سونىمەن قاتار ونىڭ ايتۋىنشا، 26 جوبا بويىنشا تەليەۆيزيالىق روليكتەر كورسەتۋ كوزدەلۋدە.
«سالالىق مەملەكەتتىك ورگاندارمەن جانە اكىمدىكتەرمەن قوسىلاتىن نىساندار انىقتالىپ، سىزبەن الدىن الا كەلىسىلدى. قازىرگى ۋاقىتتا اقپارات جانە كوممۋنيكاتسيالار مينيسترلىگىمەن بىرگە تەلەكوپىردى وتكىۋ بويىنشا دايىندىق جۇمىستارىن جۇرگىزۋدەمىز، تەلەارنالارمەن قوسىلاتىن كاسىپورىندار جايىندا ۆيدەوسيۋجەتتەر تۇسىرۋدەمىز»، - دەدى مينيستر.
اۆتور: مارلان جيەمباي
