تاجىك ازاماتى قازاقستان - رەسەي شەكاراسىندا 18 توننا ناسىبايمەن ۇستالدى

استانا. قازاقپارات - پەرۆومايسكي اۋدانىنداعى حالىقارالىق وتكىزۋ پۋنكتىندە شەكاراشىلار قازاقستاننان رەسەي اۋماعىنا شامامەن 18,6 توننا ناسىباي الىپ وتپەك بولعان تاجىكستاننىڭ 34 جاستاعى ازاماتىن ۇستادى، دەپ حابارلايدى «قازاقپارات» ح ا ا prooren.ru-عا سىلتەمە جاساپ.

وسى فاكتى بويىنشا قىلمىستىق ءىس قوزعالدى، دەپ مالىمدەدى رەسەي تەرگەۋ كوميتەتى.

سوت بيوحيميالىق- فيزيولوگيالىق ساراپتاماسىنىڭ قورىتىندىسىنا سايكەس، ناسىباي - دەنساۋلىققا قاۋىپتى زات. بۇدان تىس رەسەي اۋماعىندا ناسىباي اينالىمىنا زاڭمەن تىيىم سالىنعان.

تەرگەۋ بارىسىندا جۇك كولىگىنىڭ جۇرگىزۋشىسى ءوزىنىڭ وسى قىلمىسقا قاتىسى بار ەكەنىن مويىنداپ، سوتقا تۇسىنىك بەرگەن. فيگۋرانت كەپىل نەگىزىندە بوساتىلعان. قىلمىستىق تەرگەۋ امالدارى جالعاسۋدا.