05:51, 02 - ءساۋىر 2016 | GMT +6
ۆاشينگتوندا 18 ەلدىڭ كوشباسشىسى ماگاتە-نىڭ قازاقستانداعى تومەن بايىتىلعان بانكى جونىندە بىرلەسكەن مالىمدەمە قابىلدادى
استانا- ۆاشينگتون. قازاقپارات - ۆاشينگتونداعى يادرولىق قاۋىپسىزدىك ءسامميتى اياسىندا ۇلى بريتانيا، ۆەنگريا، گەرمانيا، يوردانيا، يسپانيا، قازاقستان، كانادا، قىتاي، نورۆەگيا، ب ا ءا، ا ق ش، فيليپپين، فينليانديا، فرانسيا، چەحيا، شۆەتسيا، وڭتۇستىك كورەيا جانە جاپونيا ماگاتە- نىڭ قازاقستانداعى تومەن بايىتىلعان بانكى جونىندە بىرلەسكەن مالىمدەمە قابىلدادى.
بۇل تۋرالى اقوردانىڭ باسپا ءسوز قىزمەتى حابارلادى.
ءبىرقاتار شەتەلدىك مەملەكەتتەردىڭ كوشباسشىلارى جانە قازاقستان پرەزيدەنتى تومەن بايىتىلعان بانك قۇرۋعا بايلانىستى وتكەن بىرنەشە ايدىڭ ىشىندە قول جەتكىزىلگەن ەلەۋلى پروگرەستى اتاپ ءوتتى.
