بيىل ەلوردادا 18 مىڭنان استام جۇمىس ورنى اشىلادى

استانا. قازاقپارات - بيىل استانادا 18 مىڭنان استام جۇمىس ورنىن اشۋ كوزدەلگەن، دەپ حابارلادى جۇمىسپەن قامتۋ ورتالىعى.

ۇستىمىزدەگى جىلدىڭ 1- اقپانىنداعى جاعداي بويىنشا، 1565 جاڭا جۇمىس ورنى اشىلدى. ونىڭ 121 ءى - ونەركاسىپ، 336 سى - ساۋدا، 73 ءى - كولىك جانە بايلانىس، 221 ءى - ءبىلىم جانە دەنساۋلىق ساقتاۋ، 171 ءى - قۇرىلىس جانە كوممۋنالدىق شارۋاشىلىق سالاسىندا بولسا، قالعان 643 ءى - ەكونوميكالىق قىزمەتتىڭ باسقا تۇرلەرىنە جاتادى.

سونىمەن قاتار، قاڭتار ايىنىڭ قورىتىندىسى بويىنشا استانا قالاسى اكىمدىگىنىڭ جۇمىسپەن قامتۋ ورتالىعى 310 ادامدى جۇمىسقا ورنالاستىردى. جاستار تاجىريبەسىنەن وتۋگە 62 تۇلەك جىبەرىلدى.

ايتا كەتەيىك، 2015-جىلى ەلوردادا 18389 جاڭا جۇمىس ورنى قۇرىلدى. وتكەن جىلدىڭ قورىتىندىلارى بويىنشا استانا قالاسى اكىمدىگىنىڭ جۇمىسپەن قامتۋ ورتالىعىمەن 5937 ادام جۇمىسقا ورنالاستىرىلدى.