وزبەكتىڭ كۋراش كۇرەسى 18- جازعى ازيا ويىندارىنىڭ رەسمي باعدارلاماسىنا ەنگىزىلدى
دەپ حابارلايدى ۋزتاگ.
«كۋراشتى قۇرلىقتىق ەڭ ماڭىزدى وليمپيادا ويىندارىنىڭ رەسمي سپورتتىق باعدارلاماسىنا قوسۋ بۇل كۇرەس ءتۇرىنىڭ تەك ازيادا ەمەس، بۇكىل عالامشاردا ودان ءارى جان- جاقتى دامىتۋ جانە تانىتۋدىڭ جاڭا ءداۋىرى باستالعانىن ءبىلدىرىپ وتىر»، - دەدى ازيا وليمپيادا كەڭەسى ازيا ويىندارى دەپارتامەنتىنىڭ ديرەكتورى حايدار فارمان.
حالىقارالىق كۋراش قاۋىمداستىعىنىڭ (ى ك ا) اقپاراتىنا سايكەس، يندونەزياداعى ويىنداردا سپورتشىلار كۋراش بويىنشا 15 مەدال جيىنتىعىنا باق تالاستىرادى - جارىستار ەر ادامدار اراسىندا - جەتى، ال ايەلدەر اراسىندا سەگىز سالماق دارەجەسىندە وتەدى.
وسىلايشا، كۋراش بىردەن ءۇش ءتۇرلى ازيا ويىندارى - 2016 - جىلى ۆەتنامدا وتەتىن جاعاجايداعى ازيا ويىندارى، 2017 - جىلى تۇركىمەنستانداعى جاۋىنگەرلىك ونەر جانە عيماراتتاعى ازيا ويىندارى، 2018 - جىلى يندونەزيادا وتەتىن جازعى ازيا ويىندارىنىڭ رەسمي سپورتتىق باعدارلامالارىندا كورسەتىلگەن.