11:17, 22 - جەلتوقسان 2014 | GMT +5
الماتىدا ۇستالعان رەسەي ازاماتى 18 جىلعا باس بوستاندىعىنان ايىرىلدى
استانا. قازاقپارات - ەكى ادامدى ولتىرگەنى ءۇشىن ىزدەۋدە بولىپ، كەيىن الماتىدا ۇستالعان رەسەي ازاماتى 18 جىلعا باس بوستاندىعىنان ايىرىلدى، - دەپ حابارلايدى tengrinews.kz ءتىلشىسى ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.
باس پروكۋراتۋرانىڭ مالىمەتىنشە، ساراتوۆ وبلىستىق سوتى رەسەي ازاماتى اگايەۆقا كىسى ولتىرگەنى ءۇشىن 18 جىلعا باس بوستاندىعىنان ايىرۋ تۋرالى ۇكىم شىعاردى. ۇكىم زاڭدى كۇشىنە ەندى. بۇل ازامات وتكەن جىلى الماتىدا ۇستالعان بولاتىن. ق ر باس پروكۋراتۋراسى رەسەي فەدەراتسياسى قۇزىرلى ورگاندارىنىڭ حالىقارالىق ىزدەۋدە جۇرگەن وسى ازاماتتى بەرۋ تۋرالى سۇراۋ سالۋىن قاناعاتتاندىردى.
رەسەي قۇقىق قورعاۋ ورگاندارىنىڭ مالىمەتىنشە، سوتتالۋشى ەكى ادامدى جەكە جەك كورۋشىلىك قاتىناستىڭ سالدارىنان ولتىرگەن.
