قىزعىلت ءتۇستى گاۋھار تاس 18 ميلليون ا ق ش دوللارىنا ساتىلدى

استانا. قازاقپارات- قىتايداعى Sotheby's اۋكتسيونىندا قىزعىلت ءتۇستى گاۋھار تاس رەكوردتىق سوما 18 ميلليون ا ق ش دوللارىنا ساتىلدى.

 كوزدىڭ جاۋىن الاتىن اسىل تاستىڭ سالماعى -  شامامەن 9 كارات. وعان اۋكتسيوندا قول جەتكىزۋ ءۇشىن قالتالىلار الەمنىڭ تۇكپىر- تۇكپىرىنەن كەلىپتى. ءبىراق قىزۋ ساۋدا بارىسىندا گاۋھار تاستىڭ باعاسى شارىقتاپ، ونى يەمدەنۋدەن ۇمىتتىلەردىڭ قاتارى كۇرت سيرەگەن.

 اقىرى باق سىناۋشىلاردىڭ باسى مارەگە جەتىپ، گاۋھار تاستى ءوز اتى- ءجونىن قۇپيا رەتىندە ساقتاۋدى وتىنگەن ادام ساتىپ الدى. ايتا كەتۋ كەرەك، الدىڭعى رەكورد 2009 - جىلى وسى گونكونگتەگى اۋكتسيوندا ساتىلعان گاۋھار تاسقا تيەسىلى. سالماعى 5 كاراتتىق اسىل تاس شامامەن 11 ميلليون ا ق ش دوللارىنا وتكەن ەدى.