سەمەيدەگى مۋزەيدە ابايدىڭ 1885 -جىلى جازىلعان قارامولا جارعىسى قويىلدى
زاڭدار جيناعى 2018 -جىلى ابايدىڭ «جيدەباي- ءبورىلى» مەملەكەتتىك تاريحي- مادەني جانە ادەبي- مەموريالدىق مۋزەي- قورىعى قىزمەتكەرلەرىنىڭ قازان قالاسىنا جاساعان ساپارى بارىسىندا تابىلعان. كودەكس 1885 -جىلى قارامولا ەلدى مەكەنىندەگى سەزدە، اباي جوعارعى بي بولىپ سايلانعاندا قابىلدانعان. سودان كەيىن سەمەي اسكەري گۋبەرناتورىنىڭ بۇيرىعىمەن قۇجات قازان ۋنيۆەرسيتەتىنىڭ باسپاسىندا اراب الىپبيىمەن شىعارىلدى. قارامولا جارعىسى - بۇل ادام قۇقىعى مەن بوستاندىعىن قورعاۋ تۋرالى ەرەجەلەر جيناعى.
«1885 -جىلى قارامولا ەلدى مەكەنىندە بيلەردىڭ سەزدى ءوتتى. سول سەزدە اباي جوعارعى بي بولىپ سايلاندى. رەسەي ۇكىمەتىنىڭ جەرگىلىكتى وكىلدەرى حاكىمنەن زاڭدار جيناعىن جازىپ بەرۋدى وتىنگەن. ءۇش كۇن ىشىندە بيلەرمەن كەڭەسە وتىرىپ، اباي وسى جارعىنى شىعاردى» ، - دەيدى اباي اتىنداعى مۋزەي ديرەكتورى مەيرامگۇل قايرامبايەۆا. بۇرىن قازاقستاندا وسى جارعىنىڭ تەك كيريل قارپىمەن جازىلعان نۇسقاسى عانا بولعان. ول سەمەيدەگى مۋزەيدە 60 -جىلداردان باستاپ ساقتالۋدا.
«قۇجاتتىڭ ءتۇپنۇسقاسى بولماعان. ەندى زەرتتەۋشىلەر كيريل قارپىمەن ماشينكامەن جازىلعان كوشىرمەسىن تۇپنۇسقامەن سالىستىرا الاتىن بولادى. سونىمەن قاتار ءبىرقاتار ماسەلەلەرگە نۇكتە قويىلادى. سەبەبى بۇعان دەيىن كەيبىر تاراۋلار بويىنشا داۋ- دامايلار تۋىنداعان ەدى. كيريلل قارپىنە اۋدارعاندا دا قاتەلىكتەر كەتۋى مۇمكىن. زەرتتەۋشىلەر ءۇشىن بۇل وتە ۇلكەن ولجا. كونستيتۋتسيا كۇنىنە وراي وسى زاڭدار جيناعىن كەلۋشىلەرگە كورسەتۋدى ماڭىزدى دەپ سانايمىز»، - دەدى مەيرامگۇل قايرامبايەۆا.
اۆتور: تالعاتجان مۇحامەتبەك ۇلى
