15:33, 28 - تامىز 2015 | GMT +5
تەحنيكالىق تەكسەرۋدەن 180 مىڭعا جۋىق كولىك وتە المادى
استانا. قازاقپارات - 2015 -جىلعى 7 ايدىڭ قورىتىندىسى بويىنشا تەحنيكالىق قاراپ تەكسەرۋگە 1509365 اۆتوكولىك قۇرالى ۇسىنىلىپ، ونىڭ ىشىندە 1330317 كولىك تەحنيكالىق قاراپ تەكسەرۋدەن وتكەن، ال 179048 ى (160731 جەڭىل اۆتوموبيل، 10765 جۇك كولىگى، 5847 اۆتوبۋس) ءبىرىنشى رەتتەن تەحنيكالىق تەكسەرۋدەن وتە الماعان.

بۇل تۋرالى ق ر ينۆەستيتسيالار جانە دامۋ مينيسترلىگىنەن حابارلاندى.
2014 -جىلدىڭ سايكەس كەزەڭىندە ءبىرىنشى رەتتەن تەحنيكالىق قاراپ تەكسەرۋدەن وتە الماعان كولىكتىڭ سانى 218 مىڭدى قۇراعان.
بۇل رەتتە، كوپشىلىك جاعدايلاردا تەحنيكالىق قاراپ تەكسەرۋدە انىقتالعان تەرىس ناتيجەنىڭ سەبەپتەرىنە تەجەۋىش جۇيەسىنىڭ (63 مىڭ)، رولمەن باسقارۋ تەتىكتەرىنىڭ (16 مىڭ)، سىرتقى جارىق بەرۋ قۇرالدارىنىڭ (90 مىڭ)، قوزعالتقىشتىڭ (16 مىڭ) اقاۋلىعى اسەر ەتكەن.
بارلىق تەحنيكالىق قاراپ تەكسەرۋ ورتالىقتارى «تەحبايقاۋ» ءبىرىڭعاي اقپاراتتىق جۇيەسىنە قوسىلعان، ول اقپاراتتىڭ اۆتوماتتى تۇردە تاپسىرىلۋى مەن وڭدەلۋىن جۇزەگە اسىرادى.
اۆتور: رۋسلان عابباسوۆ