بيىلعى جىلى ۇلتتىق قوردان اۆتوجولعا 180 ميلليارد تەڭگەگە تارتا قارجى باعىتتالادى
بۇل تۋرالى بۇگىن ورتالىق كوممۋنيكاتسيالار قىزمەتىندە «نۇرلى جول» باعدارلاماسىن ىسكە اسىرۋ ماسەلەسىنە ارنالعان بريفينگتە ق ر ۇلتتىق ەكونوميكا ءمينيسترىنىڭ ءبىرىنشى ورىنباسارى مارات قۇسايىنوۆ ءمالىم ەتتى.
«باعدارلامانىڭ نەگىزگى باعىتتارىنا دالىرەك توقتالاتىن بولساق، ءبىرىنشىسى - كولىكتىك- لوگيستيكالىق ينفراقۇرىلىمدى دامىتۋ. اۆتوجول سالاسىنداعى جوبالاردى ىسكە اسىرۋعا ۇلتتىق قوردان 301,3 ميلليارد تەڭگە سوماسىنا قاراجات بولىنەدى، ونىڭ ىشىندە 2015 - جىلى - 178 ميلليارد تەڭگە، 2016 -جىلى - 123,3 ميلليارد تەڭگە. بۇل رەتتە ح ق ۇ قارىزدارى ەسەبىنەن 6,3 ميلليارد ا ق ش دوللارىن قوسا قارجىلاندىرۋ قامتاماسىز ەتىلەدى»، - دەدى ول.
قۇسايىنوۆتىڭ سوزىنە قاراعاندا، 2015 - جىلدان 2020 - جىلعا دەيىنگى كەزەڭدە ءىرى اۆتوجول جوبالارى ىسكە اسىرىلادى، وسى ورايدا «ورتالىق- وڭتۇستىك»، «ورتالىق- شىعىس»، «ورتالىق- باتىس» جانە رەسپۋبليكالىق ماڭىزى بار باسقا جولداردى رەكونسترۋكتسيالاۋ قامتىلىپ وتىر.
«شۇعىلا» قاعيداتى بويىنشا ءوزارا ءبىر- بىرىمەن بايلانىسقان ەلدىڭ ءاربىر ءوڭىرى ءۇشىن ءونىمنىڭ وزىندىك قۇنىنىڭ كولىك شىعىندارىن قىسقارتۋدان تۇسەتىن ەكونوميكالىق پايدا، ءوڭىرارالىق تاسىمالداۋ جىلدامدىعىن ۇلعايتۋ جانە تيىسىنشە جولعا كەتەتىن ۋاقىت پەن جولدى پايدالانۋشىلاردىڭ پايدالانۋ شىعىندارىن قىسقارتۋ، سونداي- اق جول كولىك وقيعالار سانىن تومەندەتۋ ەسەبىنەن جوبالاردى ىسكە اسىرۋدىڭ تيىمدىلىگىنە قول جەتكىزىلەدى. جوبالاردىڭ ينۆەستيتسيالىق فازاسى كەزەڭىندە 200,0 مىڭعا جۋىق جۇمىس ورنى قۇرىلادى»، - دەپ اتاپ ءوتتى ءمينيستردىڭ ءبىرىنشى ورىنباسارى.
