قازاقستاندا 18,6 مىڭ شاقىرىمنان استام اۆتوموبيل جولى سيفرلاندىرىلدى

استانا. قازاقپارات - ەلىمىزدە 18,6 مىڭ شاقىرىمنان استام اۆتوموبيل جولى سيفرلاندىرىلدى. بۇل تۋرالى «جول اكتيۆتەرىنىڭ ۇلتتىق ساپا ورتالىعى» كاسىپورنىنان ءمالىم ەتتى، دەپ حابارلايدى قازاقپارات ءتىلشىسى.

«بۇگىندە كاسىپورىن قولدا بار جابدىقتاردىڭ ناتيجەسىندە 18,6 مىڭ شاقىرىمنان استام جولدى سيفرلاندىردى»، - دەپ اتاپ ءوتتى كاسىپورىننىڭ باسپا ءسوز قىزمەتى اگەنتتىكتىڭ رەسمي ساۋالىنا وراي.

«جول اكتيۆتەرىنىڭ ۇلتتىق ساپا ورتالىعىندا جولداردى سيفرلاندىرۋ مىناداي ءبىرقاتار پەرسپەكتيۆالىق مۇمكىندىك اشاتىنىن اتاپ وتەدى:

گەواقپاراتتىق جۇيە (گ ا ج كارتاسى): جولداردىڭ جاي-كۇيى تۋرالى جيناقتالعان دەرەكتەردى ونلاين رەجيمىندە قولجەتىمدى گ ا ج كارتاسىنا وڭاي بىرىكتىرە الادى. بۇل جول جامىلعىسىنىڭ جاي-كۇيى تۋرالى اقپاراتقا قول جەتكىزۋدىڭ اشىقتىعى مەن ىڭعايلىلىعىن قامتاماسىز ەتەدى.

دەرەكتەردى پايدالانۋشىنىڭ باپتاۋى: پايدالانۋشىلار قاجەتتىلىكتەرىنە وراي كارتادا ءارتۇرلى كورسەتكىشتەردى تاڭداۋ جانە كورسەتۋ مۇمكىندىگى بار. بۇل دەگەنىمىز دەرەكتەردى تەگىستىك، اقاۋلار نەمەسە ولشەمدەر سياقتى ناقتى كريتەريلەرگە بەيىمدەۋگە بولادى.

اۆتوجولشىلارعا ارنالعان اقپاراتتىق پلاتفورما: جولداردىڭ جاي-كۇيى تۋرالى ەسەپتەر اۆتوجول قۇرىلىسى جانە قىزمەت كورسەتۋ سالاسىندا جۇمىس ىستەيتىن پايدالانۋشىلار ءۇشىن قۇندى اقپاراتتىق پلاتفورماعا اينالادى. بۇل دەرەكتەر نەگىزدەلگەن شەشىم قابىلداۋعا جانە جوندەۋ جۇمىستارىن جوسپارلاۋعا كومەكتەسەدى.

جوندەۋلەردى مونيتورينگىلەۋ جانە نەگىزدەۋ: جولداردىڭ جاي-كۇيى تۋرالى جينالعان دەرەكتەر ولاردىڭ اعىمداعى جاي-كۇيىن تۇراقتى مونيتورينگىلەۋ جانە باعالاۋ مۇمكىندىگىن قامتاماسىز ەتەدى. بۇل ءتيىستى جوندەۋ جۇمىستارىن تاعايىنداۋ تۋرالى شەشىم قابىلداۋعا نەگىز بولادى.

«سونداي-اق، جىل سايىن دياگنوستيكا دەرەكتەرى مەملەكەتتىك تاپسىرمانى قالىپتاستىرۋ جانە ناقتى ناتيجەلەرگە سۇيەنىپ، جولداردىڭ قاجەتتىلىكتەرىن وراي جوندەۋگە بيۋجەت قاراجاتىن ءبولۋ ءۇشىن ق ر ي ي د م اۆتوموبيل جولدارى كوميتەتىنە بەرىلەدى»، - دەدى كاسىپورىننان.