قازاقستاندا حالىق سانى 18,31 ميلليونعا جەتتى

استانا. قازاقپارات - 2018 -جىلدىڭ 1- قىركۇيەگىندە قازاقستاندا حالىق سانى 18 ميلليون 311,7 ادام بولدى. 

 بۇل وتكەن جىلدىڭ 1 - قىركۇيەگىمەن سالىستىرعاندا 237,6 مىڭ ادامعا كوپ نەمەسە 1,3 پايىز وسكەن، دەپ حابارلايدى قازاقپارات ق ر ۇلتتىق ەكونوميكا مينيسترلىگىنىڭ ستاتيستيكا اگەنتتىگىنە سىلتەمە جاساپ.

اتاپ ايتقاندا، ەسەپتىك كەزەڭدە قالا تۇرعىندارىنىڭ سانى 10 ميلليون 555,8 مىڭ ادام نەمەسە 57,6 پايىز، ال اۋىل حالقىنىڭ سانى 7 ميلليون 755,9 مىڭ ادام نەمەسە 42,4 پايىزدى قۇراعان. 2018 -جىلدىڭ قاڭتار، تامىز ايلارى ارالىعىندا ەلىمىزگە كەلىپ تىركەلگەندەر سانى 2017 -جىلعى كورسەتكىشتەن 22 پايىز ازايىپ، كوشىپ كەتكەندەر سانى 13,9 پايىزدى قۇرادى. نەگىزگى ميگراتسيالىق كوشى- قون ت م د ەلدەرى بويىنشا ءوتىپ جاتىر. ت م د ەلدەرىنەن كەلگەن ادامدار ۇلەسى 77,9 پايىز، كوشىپ كەتكەندەر ۇلەسى - 90,8 پايىز بولدى.