سوڭعى 18 جىلدا 1438 ينۆەستيتسيالىق كەلىسىمشارتقا قول قويىلعان - ۇكىمەت

استانا. قازاقپارات – ق ر پرەمەر-ءمينيسترى ءاليحان سمايىلوۆ ينۆەستيتسيالىق شتابتىڭ وتىرىسىن وتكىزدى، ونىڭ بارىسىندا ينۆەستيتسيالىق كەلىسىمشارتتار بويىنشا مەملەكەتتىك زاتتىق گرانتتار تۇرىندە جەر تەلىمدەرىن بەرۋ ماسەلەلەرى قارالدى، دەپ حابارلايدى قازاقپارات.
None
Фото: primeminister.kz

سىرتقى ىستەر ءمينيسترىنىڭ ورىنباسارى الماس ايداروۆتىڭ بايانداۋىنشا، مەملەكەتتىك زاتتىق گرانتتار قىزمەتتىڭ باسىم تۇرلەرىنىڭ تىزبەسى بويىنشا تاۋارلاردى ءوندىرۋ سالاسىندا دا، قىزمەت كورسەتۋ سالاسىندا دا بەرىلەدى جانە ساۋدا-ساتتىق (اۋكتسيونداردى) جۇرگىزۋدى تالاپ ەتپەيتىن ەرەكشە جاعدايلارعا جاتادى.

زاتتىق گرانتتاردى اكىمدىكتەر اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتىمەن كەلىسە وتىرىپ بولەدى.

2005-جىلدان باستاپ 2023-جىلدىڭ ماۋسىمىنا دەيىن ق ر سىرتقى ىستەر مينيسترلىگىنىڭ ينۆەستيتسيا كوميتەتى 1438 ينۆەستيتسيالىق كەلىسىمشارتقا قول قويدى، ونىڭ 216 سى بويىنشا زاتتىق گرانتتار تۇرىندە جەر بەرىلگەن جانە 37 مىڭنان استام جۇمىس ورنى قۇرىلعان.

photo

وسى كەلىسىمشارتتار شەڭبەرىندە 2,2 تريلليون تەڭگە سوماسىنا ينۆەستيتسيالار تارتىلدى، ونىڭ ىشىندە قىزمەت كورسەتۋ سالاسىندا (قويما ورىندارى، ءبىلىم بەرۋ، دەنساۋلىق ساقتاۋ، قوناق ءۇي قىزمەتتەرى، جولاۋشىلار تاسىمالى سالاسىنداعى نىسانداردىڭ قۇرىلىسى) 125 كەلىسىمشارت جاسالدى.

پرەمەر-مينيستر وتىرىستى قورىتىندىلاي وتىرىپ، مەملەكەت باسشىسى قاسىم-جومارت توقايەۆتىڭ ينۆەستيتسيا تارتۋ مەن بيزنەستى قولداۋعا ەرەكشە كوڭىل ءبولىپ وتىرعانىن اتاپ ءوتتى. ۇكىمەت تە وسى باعىتتار بويىنشا بەلسەندى جۇمىس جۇرگىزىپ كەلەدى.

وسىعان وراي، ءاليحان سمايىلوۆ جاۋاپتى مەملەكەتتىك ورگاندارعا زاتتىق گرانتتار تۇرىندە جەر تەلىمدەرىن بەرۋدەگى قۇقىق قولدانۋ تاجىريبەسىن جەتىلدىرۋ ماقساتىندا نورماتيۆتىك قۇقىقتىق اكتىلەردى وزەكتەندىرۋدى تاپسىردى.


سوڭعى جاڭالىقتار