10:23, 06 - جەلتوقسان 2021 | GMT +5
سوڭعى تاۋلىكتە كوروناۆيرۋس پەن پنيەۆمونيادان 17 ادام كوز جۇمدى
نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى سوڭعى تاۋلىكتە كوروناۆيرۋستان قايتىس بولعاندار ستاتيستيكاسىن جاريالادى.
وعان سايكەس، 4-جەلتوقسان كۇنى قازاقستان اۋماعىندا 15 ادام - كوروناۆيرۋستان، تاعى 4 سىرقات - پنيەۆمونيادان قايتقان. كوروناۆيرۋستان اجال قۇشقانداردىڭ ىشىندە ەڭ كوبى نۇر- سۇلتان قالاسىندا جانە سولتۇستىك قازاقستان وبلىسىندا - 4 ناۋقاستان. الماتى قالاسىندا جانە شىعىس قازاقستان وبلىسىندا - 2, قاراعاندى، پاۆلودار، باتىس قازاقستان وبلىستارىندا - ءبىر ادامنان كوز جۇمعان.
ەلىمىزدىڭ ءبىرقاتار وڭىرىندە قايعىلى جاعدايلار بولعان. تەك شىمكەنت قالاسى مەن اقمولا، اتىراۋ، اقتوبە، جامبىل، قوستاناي، قىزىلوردا، ماڭعىستاۋ جانە تۇركىستان وبلىستارىندا عانا كوروناۆيرۋستان ءولىم- ءجىتىم بولعان جوق.
