قازاقپارات كۇنتىزبەسى: 17- ماۋسىم
اتاۋلى كۇندەر
دۇنيەجۇزىلىك قۋاڭشىلىق پەن شولەيتتەنۋگە قارسى كۇرەس كۇنى
1995-جىلى پاريجدە شولەيتتەنۋگە قارسى كۇرەس جونىندەگى حالىقارالىق كونۆەنتسيا قابىلدانعان كۇننەن باستاپ اتاپ وتىلەدى.
ەستە قالار وقيعالار
1992-جىلى «انا ءتىلى» باسپاسى احمەت بايتۇرسىن ۇلىنىڭ «ءتىل تاعلىمى» اتتى كىتابىن جارىققا شىعاردى.
1993-جىلى قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اسكەري ينستيتۋتى قۇرىلدى.
1999-جىلى ق ر ۇ ق ك ينستيتۋتى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اكادەمياسى دەپ وزگەرتىلدى.
1998-جىلى «قازاقپارات» ۇ ك» ا ق «انادولى» اقپارات اگەنتتىگىنىڭ (تۇركيا) اقپارات اعىنى جۇيەسىنە قوسىلدى.
1998-جىلى وڭتۇستىك قازاقستان وبلىستىق فيلارمونياسى الدىندا ۇلى كومپوزيتور، قازاقستان ءانۇرانىنىڭ اۆتورى، حالىق ءارتىسى، شىمكەنت، تاراز، جەتىساي قالالارىنىڭ قۇرمەتتى ازاماتى ءشامشى قالداياقوۆ ەسكەرتكىشىنىڭ اشىلۋ سالتاناتى بولدى.
2010-جىلى ەۋروپا ىسكەرلىك ىنتىماقتاستىق اسسامبلەياسىنىڭ شەشىمىنە سايكەس، «ۇلتتىق عىلىمي مەديتسينا ورتالىعى» ر م ك ديرەكتورى، مەديتسينا عىلىمدارىنىڭ دوكتورى، قازاقستان رەسپۋبليكاسىنىڭ ەڭبەك سىڭىرگەن قايراتكەرى اباي بايگەنجين حالىقارالىق «سوكرات مەدالىنە» ۇسىنىلدى جانە 11-نومىرمەن ەۋروپانىڭ قۇرمەتتى عالىمى اتاندى.
2011-جىلى ر ف استراحان وبلىسىندا بوكەيحان ماۆزولەيىنىڭ قۇرىلىسى باستالدى. ونىڭ بيىكتىگى - 18.5 مەتر. قۇرىلىس قازاقستان مەن استراحاننىڭ ءار وڭىرلەرىنەن جينالعان قاراجاتقا سالىندى.
2013-جىلى «قازاقستان» رەسپۋبليكالىق تەلەراديوكورپوراتسياسى» ا ق حالىقارالىق تەلەراديو حابار تاراتۋ قاۋىمداستىعىنا (Association for International Broadcasting) كىردى.
2014-جىلى تۇرىكتىڭ ەديرنە قالاسىندا جىل سايىنعى دۇنيەجۇزىلىك تۇركى فورۋمى اياسىندا ءتۇرلى اتالىمداعى ناگرادالاردى بەرۋ ءراسىمى ءوتتى.
«قىزىل الما» سىيلىعىنىڭ لاۋرەاتتارى - ق ر سىرتقى ىستەر ءمينيسترى ەرلان ىدىرىسوۆ (نوميناتسيا - «ديپلوماتيا»)، تۇركياداعى قازاقستان ەلشىسى جانسەيىت تۇيمەبايەۆ (نوميناتسيا - «ديپلوماتيا») جانە 2012-جىلعى بوكستان وليمپيادا ويىندارىنىڭ چەمپيونى سەرىك ساپيەۆ (نوميناتسيا - «سپورت»).
2014-جىلى 17-20- ماۋسىم ارالىعىندا تبيليسي قالاسىندا قازاقستان مەن گرۋزيانىڭ ەكىجاقتى قارىم-قاتىناسى تاريحىندا العاش رەت گرۋزيادا قازاقستان كينوسى كۇندەرى ءوتتى. كورەرمەندەرگە سوڭعى جىلدارى تۇسىرىلگەن ءتورت كوركەم فيلم - «جاۋ جۇرەك مىڭ بالا»، «شال»، «ليكۆيداتور»، سونداي-اق ەلباسىنىڭ بالالىق شاعى تۋرالى «بالالىق شاعىمنىڭ اسپانى» فيلمدەرى ۇسىنىلدى.
2014-جىلى سولتۇستىك قازاقستاندا التىن وندىرىلە باستالدى. گەولوگتار ەسىل اۋدانىنداعى بۋلاق اۋىلىنىڭ ماڭىندا 400 گەكتار اۋماقتا كەن قورلارىن انىقتادى.
2015-جىلى اتىراۋ وبلىسى يندەر اۋدانىنىڭ تەرەكتى جەرىندە ورتا عاسىرلىق جاۋىنگەردىڭ قورىمى تابىلدى. قورىمدى جازعى پراكتيكا كەزىندە ارحەولوگيالىق قازبا جۇمىستارىن جۇرگىزگەن بولاشاق تاريحشىلار، اتىراۋ مەملەكەتتىك ۋنيۆەرسيتەتىنىڭ ستۋدەنتتەرى تاپتى.
قورىمنىڭ ەرەكشەلىگى وندا جاۋىنگەرمەن بىرگە مىنگەن اتى دا قوسا جەرلەنگەن. سونداي-اق، قابىردىڭ ىشىندە ۇزىندىعى 1 مەتردەي قىلىش، جەبە ۇشتارى، ۇزىندىعى 1 مەتردەن اساتىن ساۋىت، ەر-تۇرمان ەلەمەنتتەرى بولعان.
ارحەولوگتاردىڭ ايتۋىنشا، تابىلعان بارلىق ماتەريالدار IX- XI عاسىرلارداعى وعىز داۋىرىنە جاتادى.
2017-جىلى استانادا ەلەكتر ەنەرگياسىن ۇنەمدەيتىن كۇن باتارەيالارىمەن جۇمىس ىستەيتىن ايالدامالار ىسكە قوسىلدى.
2019-جىلى قازاقستان رەسپۋبليكاسىنىڭ مەملەكەتتىك باسقارۋ جۇيەسىن جاڭعىرتۋ جانە تيىمدىلىگىن ارتتىرۋ ماقساتىندا قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى جانە قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگى قۇرىلدى.
2019-جىلى العاش رەت «بەيجىڭ-پاريج» حالىقارالىق رەترو ءرالليىنىڭ باعىتىنا پاۆلودار وبلىسى قوسىلدى. رەسەي-قازاقستان شەكاراسى ارقىلى 98 اۆتوكولىك ءجۇرىپ ءوتتى. جارىستا 120 بىرەگەي سيرەك كەزدەسەتىن اۆتوموبيل كورسەتىلدى.
