جىلقى ەتى 17 ءتۇرلى دەرتكە ەم

 استانا. قازاقپارات - قازاق حالقى ءتورت تۇلىكتىڭ تورەسى دەپ توبەسىنە كوتەرەتىن جىلقىنىڭ قاسيەتىن تاۋىسىپ ايتۋ مۇمكىن ەمەس. اتا- بابامىز ەتى مەن ءسۇتى شيپا جانۋاردى باعالاي بىلگەن.

قازىردە قازاق قانا ەمەس، كوپ اۋرۋعا ەم سانالاتىن جىلقى ەتىن دامىعان ەۋروپا ەلدەرى دە مويىنداپ وتىر. شەتەلدىك زەرتتەۋشى- دارىگەرلەر ەتتىڭ ىشىندەگى ەڭ پايدالىسى - جىلقىنىڭ ەتى ەكەندىگىن، جىلقى مايىنىڭ ادام ورگانيزمىندە ەشقاشان تۇنباعا تۇسپەيتىندىگىن زەرتتەپ ءبىلدى. ولار جىلقى ەتىنىڭ 17 ءتۇرلى اۋرۋعا ەم بولاتىندىعىن مويىندادى دەپ جازادى Facebook-پاراقشاسىنداعى «دەنساۋلىق، جانساۋلىق- زور بايلىق» توبى.

جىلقى ەتىنىڭ ەڭ باستى قاسيەتى - جۇرەك، قان تامىر اۋرۋلارىنا، بۇيرەك جۇمىسىن جاقسارتۋعا، بۋىن سۇيەكتەرىنىڭ سىرقىراۋىنا، ىشكى اعزانىڭ دۇرىس جۇمىس جاساۋىنا تيگىزەر اسەرى مول. اعزا جاسۋشالارىن جاڭارتىپ وتىراتىن قاسيەتى دە دالەلدەنگەن. ال بۇل دەگەنىڭىز قارتايماۋدىڭ باستى قاعيداسى.

سونىمەن قاتار، جىلقىنىڭ جۇرەگىن جەۋ مي قىزمەتىن جاقسارتادى. ميداعى ميلليونداعان جاسۋشالاردى جاڭارتىپ، ەستە ساقتاۋ قابىلەتىنە جاۋاپ بەرەتىن تالشىقتارعا كومەك بەرەدى. مامانداردىڭ ايتۋىنشا جىلقى ەتىن تۇراقتى جەۋ ميدىڭ ۇزاق ۋاقىت «مۇلتىكسىز» قىزمەت كورسەتۋىنە سەپتىگىن تيگىزەدى. ول ءۇشىن جىلقى جۇرەگىن ءپىسىرىپ نە قۋىرىپ جەۋ كەرەك. ال قاقتالعان ءسۇر ەت بۇيرەك جۇمىسىنا پايدالى. سۇرلەنگەن ەتتى ابدەن ءپىسىرىپ، سۇتپەن بىرگە قابىلداۋ بۇيرەك پەن نەسەپ جولدارىنا وڭ اسەرىن تيگىزەدى.

جىلقى ەتىندە نەگىزىنەن مينەرالدى زاتتار، ونىڭ ىشىندە تەمىر كوپ. اسىرەسە، جىلقى باۋىرى تەمىرگە، ا1, ۆ2, ۆ12 دارۋمەندەرىنە باي. ماماندار جىلقى ەتىن مۇزداتقىشتا ساقتاعاننان گورى ونى سۇرلەپ ساقتاعان الدەقايدا پايدالى ەكەندىگىن ايتادى.

دەرەككوز: Stan.kz