پاتەرىن ساتپاق بولعان ورالدىق 17 ميلليون تەڭگەسىنەن ايىرىلىپ قالدى
ورال قالالىق ىشكى ىستەر باسقارماسى باستىعىنىڭ ءبىرىنشى ورىنباسارى نۇرلان بيسەنوۆتىڭ ايتۋىنشا، ازاماتشا ءۇيىن ساتامىن دەپ الەۋمەتتىك جەلى ارقىلى حابارلاندىرۋ بەرگەن. ىلە-شالا بەيتانىس ادامدار سويلەسىپ، پاتەردى ساتىپ الاتىنىن ايتادى. ايتسە دە «ءسىزدىڭ ەسەپشوتىڭىزعا پاتەر قۇنىنىڭ الدىن الا ازعانتاي مولشەرىن سالعىمىز كەلەدى. ول ءۇشىن ءسىزدىڭ جەكە ەسەپشوتىڭىز كەرەك»، دەپ ايەلدىڭ سەنىمىنە كىرەدى. بۇعان سەنىپ قالعان ايەل ەشتەڭە ويلاماستان ءوزىنىڭ جەكە كۋالىگىنىڭ، بانكىدەن اقشا الاتىن بانكومات كارتوچكاسىنىڭ الدىڭعى جانە ارتقى بەتتەرىن سۋرەتكە ءتۇسىرىپ، ۆاتساپ جەلىسى ارقىلى حابارلاسقان كىسىلەرگە جونەلتەدى.
الاياقتار بارلىق دەرەكتەردى موبيلدى بانكتەرگە بەكىتىپ، ازاماتشانىڭ بانكومات كارتاسىنداعى پين-كودىن قاجەت ەتپەي-اق، ەسەپ شوتىنداعى 17 ميلليون تەڭگەنى شەشىپ العان.
بانك قىزمەتكەرلەرىنىڭ كوڭىلىنە كۇدىك ۇيالاتپاۋ ءۇشىن اقشانى اراعا كۇندەر سالىپ، بىرنەشە مارتە العان. سودان كەيىن بانككە بارعانازاماتشا ەسەپ شوتىنداعى اقشانىڭ جوقتىعىن ءبىر-اق بىلەدى.
قازىرگى كەزدە ق ر ق ك 190-بابى 4-بولىگىنە سايكەس قىلمىستىق ءىس قوزعالىپ، تەرگەۋ امالدارى جۇرگىزىلۋدە.
كۇدىكتىلەر ىزدەستىرىلۋدە، بۇل ءىستى اشۋعا مۇمكىندىك بار.
