قازاقستان تەمىر جولى قىتايدىڭ 17 پروۆينتسياسىمەن ىنتىماقتاسادى
كونفەرەنتسيا بارىسىندا «ق ت ج» ۇلتتىق كومپانياسىنىڭ پرەزيدەنتى قانات الپىسبايەۆ ءوز بايانداماسىندا ترانزيتتىك- كولىك الەۋەتىن ىسكە اسىرۋ جانە قازاقستاننىڭ حالىقارالىق ەكونوميكالىق بايلانىستارىن كەڭەيتۋ قاجەتتىگىن اتاپ ءوتتى. «بۇگىنگى تاڭدا قازاقستاندا زاماناۋي جولاۋشىلار ۆاگوندارى شىعارىلىپ جاتىر: تەپلوۆوزدار، ەلەكتروۆوزدار، رەلستەر، جول سالۋعا ارنالعان ماتەريالدار جانە سايكەس تولىمداۋشىلار. قازاقستاندىق زاۋىتتاردىڭ ونىمدەرى جوعارى ەكسپورتتىق الەۋەتكە يە» ، - دەپ حابارلادى ول.
«بۇگىنگى تاڭدا كومپانيا قىتايدىڭ 17 پروۆينتسياسىمەن، ۆەتنام، كورەيا، ەۋروپا جانە پارسى شىعاناعى ەلدەرىمەن تىكەلەي جۇمىس ىستەپ جاتىر. ءبىز تۇراقتى كونتەينەرلىك قىزمەتتى جانە باسەكەگە قابىلەتتى مەرزىمدى جەتىلدىرەمىز. ناتيجەسىندە 2011 -جىلى قىتاي- ەۋروپا- قىتاي قۇرلىقتىق باعىتىنداعى قازاقستاننىڭ ۇلەسى % 70كە جەتتى. سونىمەن قاتار، ءبىزدىڭ ەل ارقىلى قىتاي- تۇركيا- يران باعىتىنىڭ جاڭا مارشرۋتتارى يگەرىلىپ جاتىر» ، - دەدى قانات الپىسبايەۆ. سونداي- اق، ول مەملەكەت باسشىسىنىڭ ق ت ج عا 2020 - جىلعا دەيىن 2 ميلليون كونتەينەرگە ترانزيتتىك تاسىمال كولەمىن ۇلعايتۋدى تاپسىرعانىن اتاپ ءوتتى.
