كارىم ءماسىموۆ: 17 مەدال - قازاقستاننىڭ وليمپيادا ويىندارى تاريحىنداعى رەكوردى - كەسكىن

بۇگىن استانادا جازعى ХХХІ وليمپيادا ويىندارىنىڭ جەڭىمپازدارى مەن جۇلدەگەرلەرىنە قۇرمەت كورسەتۋ سالتاناتتى شاراسى وتكەن بولاتىن. كارىم ءماسىموۆ وسى شارانىڭ ۆيدەوسىن دا جاريالادى.
ايتا كەتەيىك، ريو- دە- جانەيرو قالاسىندا 2016 -جىلى 5 جانە 21 -تامىز ارالىعىندا وتكەن جازعى وليمپيادا ويىندارىنا قاتىسقان قازاقستان قۇراما كومانداسى جالپى سانى 17 مەدال ۇتىپ الدى. بۇل قازاقستاننىڭ وليمپيادا ويىندارىنا 6- رەت قاتىسۋى. ءتورت جىلدىقتىڭ باستى دوداسىندا ەلىمىزدىڭ نامىسىن 26 سپورت تۇرىنەن 104 سپورتشى قورعاعان.
وليمپيادادان قازاقستان ەنشىسىندە 3 التىن، 5 كۇمىس، 9 قولا جۇلدە بار. التىن جۇلدەگە بوكستان دانيار ەلەۋسىنوۆ، اۋىر اتلەتيكادان نيجات راحيموۆ پەن جۇزۋدەن دميتري بالاندين قول جەتكىزدى. كۇمىس مەدالدى قازاق سپورتشىلارى ساپىنان ادىلبەك نيازىمبەتوۆ (بوكس)، ۆاسيلي لەۆيت (بوكس)، جازيرا جاپپارقۇل (اۋىر اتلەتيكا)، ەلدوس سمەتوۆ (دزيۋدو)، گۇزەل مانيۋروۆالار (كۇرەس) الىپ بەرسە، قولا جۇلدەگە يۆان دىچكو (بوكس)، داريعا شاكىموۆا (بوكس)، وتگونسەسەگ گالبادراح (دزيۋدو)، كارينا گوريچيەۆا (اۋىر اتلەتيكا)، ولگا رىپاكوۆا (جەڭىل اتلەتيكا)، الەكساندر زايچيكوۆ (اۋىر اتلەتيكا)، ەلميرا سىزدىقوۆا (كۇرەس)، ەكاتەرينا لاريونوۆا (كۇرەس)، فارحاد حاركي (اۋىر اتلەتيكا) قول جەتكىزە الدى.
17 медаль — бұл Қазақстанның Олимпиада ойындары тарихындағы рекорды. 17 медалей — это рекорд в олимпийской истории Казахстана! 17 medals is a record in Olympic history of Kazakhstan! #Rio2016 #Тәуелсіздікке25жыл #25летНезависимости