02:01, 23 - تامىز 2016 | GMT +5
ساۋد ارابياسىندا 17 مىڭنان استام ادام قاجىلىق قاۋىپسىزدىگىن قامتاماسىز ەتەدى
استانا. قازاقپارات - ساۋد ارابياسىنىڭ باسشىلىعى يسلامنىڭ كيەلى ورنىنا قاجىلىققا بارعان ۋاقىتتا توتەنشە وقيعالاردىڭ الدىن الۋ ءۇشىن قۇزىرەتتى ورگاندار قىزمەتىنىڭ جۇمىس جوسپارىن قابىلدادى.
وتكەن جىلعى بىرنەشە جۇزدەگەن قاجىلىققا نيەت ەتۋشىلەر قازا تاپقان اشى تاجىريبەدەن ساباق العان كورولدىك بيلىگى قاجىلىق وتكىزۋدى بارىنشا قاۋىپسىزدەندىرۋدى شەشتى، دەپ حابارلايدى ت ا س س.
ازاماتتىق قورعانىس باسقارماسىنىڭ باسشىسى گەنەرال سۇلەيمان بەن ابداللا ءال-امر اتاپ وتكەندەي، ەلدە بار بارلىق رەسۋرستاردى جۇمىلدىرۋ جوسپارىن قاجى ىستەرى كوميتەتىنىڭ ءتوراعاسى بولىپ تابىلاتىن ىشكى ىستەر ءمينيسترى حانزادا مۇحاممەد بەن نايف ءال ساۋد بەكىتتى.
«17 مىڭنان استام قاۋىپسىزدىك ورگاندارىنىڭ قىزمەتشىلەرى قاجىلىق ۇيىمداستىرۋمەن اينالىسادى. بۇل رەتتە 3 مىڭ تەحنيكا جۇمىلدىرىلدى»، - دەگەن ءال امرانىڭ ءسوزىن كەلتىردى Arab News گازەتى.
