اقمولا وبلىسىندا جوعالعان 17 جاستاعى قىز تابىلدى

بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
ەسكە سالا كەتەيىك، اعىمداعى جىلدىڭ 4- تامىز كۇنى ەسىل اۋداندىق ءى ءى ب- نە 17 جاستاعى ليۋبوۆ ولەگوۆنا سكۋباكوۆانىڭ جوعالىپ كەتكەنى تۋرالى تۋىستارىنان ارىز تۇسكەن بولاتىن.
ارىزدا ەسىل قالاسىندا تۇراتىن جاس ءوسپىرىمنىڭ 2016 -جىلدىڭ 30 -شىلدەسىندە ۇيىنەن شىعىپ كەتىپ، ورالماعانى ايتىلعان. قىز اكەسى جانە اجەسىمەن بىرگە تۇرىپ كەلگەن. جوعالاتىن كۇنى قىز اجەسىنەن سۇرانىپ، بولەك تۇراتىن اناسىنىڭ ۇيىنە باراتىنىن ايتقان. سول سەبەپتى، اجەسى نەمەرەسىن ىزدەۋگە اسىقپاعان. كەيىن تامىزدىڭ 4- كۇنى قىزدىڭ اناسىنىڭ ۇيىنە بارماعانىنا كوز جەتكىزگەن سوڭ تۋىستارى پوليتسياعا حابارلاسقان.
ىزدەۋ شاراسى بارىسىندا جاس ءوسپىرىمنىڭ وسىعان دەيىن ۇيىنەن ءوز ەركىمەن كەتىپ قالىپ، قايتىپ ورالىپ وتىرعانى انىقتالادى. وسى ماسەلە بويىنشا، ماۋسىم ايىندا قىز ىشكى ىستەر ورگاندارىنا ەسەپكە الىنادى.
ىزدەۋ جۇمىستارىنا ەسىل اۋداندىق ءى ءى ب جانە كورشى ىشكى ىستەر ورگاندارىنىڭ اۋماقتىق بولىمشەلەرىنەن 50 ادام تارتىلىپ، 10 كۇن بويى قىزدىڭ تۋعان تۋىستارى، تانىستارى جانە قوعامدىق ورىندار مەن ۆوكزال ماڭىنداعى تاكسي قىزمەتكەرلەرى تەكسەرىلەدى.
ناتيجدەسىندە، 9 -شىلدە كۇنى ليۋبوۆ سكۋباكوۆا اتباسار قالاسىنداعى دوستارىنىڭ ۇيىندە تابىلادى. قازىرگى كەزدە جاس ءوسپىرىم ۇيىنە جەتكىزىلىپ، تۋىستارىنا تاپسىرىلدى»، دەپ كورسەتىلەگەن حابارلامادا.