13:30, 13 - ءساۋىر 2016 | GMT +5
بريتاندىق بويجەتكەن سەلفي ءۇشىن وتا جاساتۋعا 17 مىڭ دوللار جۇمسادى
استانا. قازاقپارات - ريچموند ( ۇلى بريتانيا) قالاسىنىڭ تۇرعىنى سەلفي-تۇسىرىلىمدە ادەمى شىعۋ ءۇشىن حيرۋرگيالىق وتاعا 12 مىڭ ستەرلينگ (17 مىڭ ا ق ش دوللارى) جۇمسادى.
بۇل تۋرالى Daily Mail جازدى.
28 جاستاعى شەللي سكيننس (Shelley Skinns) ءتۇسىرىلىمى ءساتتى شىعۋى ءۇشىن مۇرنى مەن يەگىنە پلاستيكالىق وتا جاساتقان. سونداي-اق بويجەتكەن كوزىلدىرىك كيىپ جۇرگىسى كەلمەي، كوزىنىڭ كورۋىن جاقسارتۋ ءۇشىن دە حيرۋرگيالىق وپەراتسياعا جۇگىنگەن.
«بۇدان بىلاي تۇسىرگەن سەلفيىمە كوڭىلىم تولاتىن بولدى. ەندى ءوز دەنەمدە ءوزىمدى جاقسى سەزىنەتىن بولامىن»، - دەپ مالىمدەدى ول.
سكيننس 16 جاسىندا ءتۇرلى قيمىلدا تۇراقتى تۇردە ءوزىن-ءوزى فوتوعا تۇسىرە باستادى. ەندى بەتىنىڭ فوتودان ادەمى كورىنبەيتىن تۇستارىن وسىلايشا جونگە كەلتىرۋدى شەشىپ وتىر.
