15:46, 11 - اقپان 2016 | GMT +5
قازاقستاندىق كاسىپورىندار 17 مىڭ مامانعا ءزارۋ بولىپ وتىر
استانا. قازاقپارات - قازاقستاندىق كاسىپورىنداردا 17 مىڭ مامان تاپشى. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر كاسىپوداقتارى فەدەراتسياسىنىڭ ءتوراعاسى ءابىلعازى قۇسايىنوۆ ءمالىم ەتتى.
«ايتا كەتكىم كەلەتىنى، قازىردىڭ وزىندە قازاقستاندىق كاسىپورىندار ماماندارعا ءزارۋ. بۇگىندە 17 مىڭ جۇمىس ورنى بوس تۇر»، - دەپ اتاپ ءوتتى ول.
قاۋىمداستىق باسشىسىنىڭ ويىنشا، ەلباسى 2017 - جىلى تەگىن كاسىبي- تەحنيكالىق ءبىلىم بەرۋدى ەنگىزۋ تۋرالى شەشىم قابىلداي وتىرىپ، بۇرىن- سوڭدى بولماعان قادامعا بارىپ وتىر.
«بۇل شەشىم ءبىزدىڭ كاسىپورىنداردى ماماندارمەن قامتاماسىز ەتۋگە مۇمكىندىك اشادى»، - دەدى ءا. قۇسايىنوۆ.
اۆتور: جاسۇلان جولدىبايەۆ
