07:17, 29 - قاڭتار 2016 | GMT +5
بۇگىن استانادا «نۇر وتان» پارتياسىنىڭ كەزەكتەن تىس 17- سەزى وتەدى
استانا. قازاقپارات - بۇگىن استانادا «نۇر وتان» پارتياسىنىڭ كەزەكتەن تىس XVII سەزى وتەدى.
ەسكە سالا كەتەيىك، ەلباسى، پارتيا ءتوراعاسى نۇرسۇلتان نازاربايەۆتىڭ قاۋلىسىمەن «نۇر وتان» پارتياسىنىڭ كەزەكتەن تىس XVII سەزى 29- قاڭتارعا شاقىرىلعان بولاتىن.
سەزدە «نۇر وتان» پارتياسىنىڭ جاڭا سايلاۋالدى باعدارلاماسى قابىلداناتىن بولادى. سونداي-اق ق ر پارلامەنتى ءماجىلىسى دەپۋتاتتارىن سايلاۋعا قاتىستى پارتيالىق ءتىزىم بەكىتىلمەك. باعدارلاما جوباسى الداعى بەسجىلدىق كەزەڭ بويىنشا 2021-جىلعا دەيىنگى پارتيانىڭ نەگىزگى باعىتىن ايقىندايدى. ول بويىنشا «100 ناقتى قادام» ۇلت جوسپارىن جۇزەگە اسىرۋ شارالارى قامتاماسىز ەتىلەدى. بۇدان بولەك، پارتيا باعدارلاماسىندا «قازاقستان 2050» ستراتەگياسى، «نۇرلى جول» باعدارلامالارىن جۇزەگە اسىرۋدىڭ ناقتى تەتىكتەرى دە قاراستىرىلادى.
