اجىراسۋعا سەبەپ بولاتىن 17 ىستەن ساق بولىڭىز
ايەل تالاق ماسەلەسىندە ءالسىز ورىندى ۇستانادى. سەبەبى، كوبىنىسە تالاقتىڭ شەشىمى ونىڭ قولىندا ەمەس، ءبىراق تالاققا سەبەپ بولاتىن ىستەردى بوساعاسىنان الىستاتۋ ونىڭ قولىنان كەلەتىن ءىس.
جاڭادان تۇرمىسقا شىققان كەلىنشەكتەر مەن تۇرمىستىق ومىرىندە كوپتەگەن پروبلەمالارعا دۋشار بولىپ جۇرگەن ايەلدەرگە تالاقتان اۋلاق بولىپ، جانۇياسىن قورعاۋ ءۇشىن، تالاققا سەبەپشى بولاتىن ون جەتى ءىستى سىبىرلاپ ايتپاقپىز.
1. جانۇيانىڭ نەگىزگى تىرەگى - ايەل مەن كۇيەۋ اراسىنداعى سىيلاستىق، بالا-شاعاسى. سوندىقتان ايەلدىڭ ۇيىنە، بالا-شاعاسىنا كوڭىل اۋدارماۋى، تەك ءوزىنىڭ قاراباسىن ويلاۋى، تالاققا سەبەپشى بولادى.
2. كەيدە ايەلدەر ۇيىنە، بالا-شاعالارىنا قاراۋعا قولى تيمەي كەتەدى. ول سۇلۋلىعىن ساقتاۋ ءۇشىن ساندەنۋگە ەرەكشە كوڭىل ءبولىپ، شاشتارازعا، كيىم دۇكەندەرىنە، ءسان سالوندارىنا بارۋمەن اينالىسىپ، قولى تيمەي، ءۇيىن قاراۋسىز قالدىرىپ قويادى. ال، بۇل جاعداي قايتالانا بەرسە، ەركەكتىڭ سابىرىنىڭ تاۋسىلۋىنا، ناتيجەسىندە تالاققا الىپ بارادى.
3. وتباسى ىستەرىندە بالا باعۋشىعا سۇيەنۋ. قىزمەتشىلەر مەن بالا باعۋشىلاردى جالداۋدى كەيبىرەۋلەر «مادەنيەت»، «دامۋ» دەپ سانايدى. ولار ءۇي ىشىمەن ىستەردى نادان قىزمەتشىنىڭ قولىنا تاپسىرىپ قويادى. ال قىزمەتشى- ايەل نەگىزىندە ءوز راحاتىن، وسى وتباسىنان قانشا پايدا تاباتىنىن ويلايدى. ول قىزمەت ىستەپ جۇرگەن وتباسىنىڭ كەلەشەگىن ويلامايدى. ال قىزمەتكە العان وتباسى بالا- شاعاسىنىڭ تاربيەسىندە قىزمەتشى- ايەلگە تاپسىرادى. قىزمەتشى ايەل اتا- انالارى جوقتا جاس نارەستەلەرگە قانداي تاربيە بەرىپ جاتقانىن زەرتتەمەيدى دە؟ ! ءتىپتى كەيبىر قىزمەتشى- تاربيەشى ايەلدەر سول ءۇيدىڭ سالتىنا كەيدە دىنىنە قاراما- قايشى، وي- پىكىرلەر مەن ادەت عۇرىپتاردى ۇستانعانداردى سەزەمىز. سوندىقتان وسى جاعدايلار وتباسىنىڭ اجىراسۋىنا سەبەپشى بولادى.
4. كەيبىر ايەلدەر وزدەرىنە جۇكتەلگەن جاۋاپكەرشىلىككە جانە وتباسى بەدەلى مەن ابىرويىن ساقتاۋ مىندەتىنە نەمقۇرايدىلىقپەن قارايدى. نەگىزىندە بۇل جاۋاپكەرشىلىك اسا ۇلكەن جاۋاپكەرشىلىك بولىپ تابىلادى. ال، بۇل جاۋاپكەرشىلىكتى ورىنداماۋ وتباسى بەدەلىنىڭ تۇسۋىنە الىپ بارادى. دەمەك، ايەل ادامنىڭ موينىنا جۇكتەلگەن وتباسى ىستەرىن ورىنداماۋىنىڭ، پەرزەنتتەرى ۇل بولسىن، قىز بولسىن باقىلاماۋىنىڭ ناتيجەسى سان سوقتىرارلىق اۋىر، قورقىنىشتى وقيعاعا تاپ بولادى. سونداي- اق ونى ەمدەۋدىڭ مۇمكىندىگى بولماي قالادى.
5. ەرلى- زايىپتىلاردىڭ ىستەرى مەن بايلانىسىنا تۋىسقانداردىڭ ارالاسۋى. بۇل - ماسەلەنىڭ شەشىمىن شەشۋ وڭاي بولسا دا، اراداعى جاعدايلار شيەلەنىستىرىپ جىبەرەدى. ويتكەنى كۋيەۋدىڭ نەمەسە ايەلدىڭ شەشەسىنىڭ ۇساق- تۇيەك نارسەلەرگە ارالاسۋى كەلىسپەۋشىلىك پەن تالاسقا الىپ بارادى. حالىقتا مىنا دانىشپاندىق وي- ءتۇيىپ بار: «ەرلى- زايىپتىنىڭ اراسىنا تەك ەسى كەتكەن ادامعا عانا ارالاسادى»، - دەگەن. سول ءۇشىن ەرلى- زايىپتىلار ءوز- ارا ءتۇسىنىسۋى كەرەك.
6. ەرلى-زايىپتىلاردىڭ اراسىندا تۇسىنىستىكتىڭ ازدىعى. ەكەۋى بىرگە سويلەسەدى. ءبىراق ءبىر- بىرىنە ايتىپ جاتقاندارىن تىڭدامايدى. بۇل ماسەلەنى - تاعى دا شيەلەنىستىرىپ جىبەرەدى. سول ءۇشىن ءبىر- ءبىرىن تىڭداپ، سابىر ساقتاۋى كەرەك. سوندا عانا ءبىر- ءبىرىن تۇسىنىسەدى.
7. تۇرمىستىق تاجىريبەنىڭ ازدىعى. ياعني ايەل وزگە جانۇياعا كەلەدى، ونداعى سالت- ءداستۇر، تاربيە مۇلدەم باسقا، سوندىقتان ول ويىنا كەلمەگەن ومىرگە، تالاپقا تاپ بولادى. ول جانۇيانىڭ پسيحولوگيالىق اتموسفەراسىنا كوندىگۋى قيىن بولعاندىقتان شىداماۋى مۇمكىن.
8. بەدەۋلىك، پەرزەنتسىزدىك. بەدەۋلىك ايەل ءۇشىن قاتتى سوققى، سەبەبى كۇيەۋى باسقا ايەلگە ۇيلەنىپ كەتۋى مۇمكىن، بۇل ايەلدىڭ پسيحولوگيالىق جۇيەسىنە ءتاسىر ەتەدى. ەگەردە ايەل سابىر ساقتاي بىلسە، وتباسىن ساقتاپ قالادى.
9.ايەلدىڭ «ءومىر وزگەرىپ كەتتى» دەگەن ويمەن ەركەكپەن بىردەي بولۋدى قالاپ، جۇمىسقا شىعامىن دەپ تۇرىپ الۋى. ارينە بۇل كەيبىر ەر كىسىلەرگە ۇنامايدى، ال ەكىنشى جاعىنان ەر كىسىلەر وزدەرىن بۇنداي كومەككە مۇقتاج ەمەسپىز دەپ سەزىنەدى. ولار ايەلدىڭ بالالار تاربيەسىمەن اينالىسۋىنىڭ وتە ۇلكەن دە ۇلى ءىس ەكەنىن ەستە ساقتايدى. بۇل - دۇرىس. دەگەنمەن، ايەل ادام بولاشاعى ءۇشىن كەپىلدىككە مۇقتاج. سوندىقتان دا مەملەكەت ايەلدەردىڭ تەك قانا بالالارىن جاقسىلاپ تاربيەلەپ، وتباسى ىستەرىن تولىق ورىنداۋلارى ءۇشىن جاعداي جاساپ، جالاقى تاعايىنداسا، ءتىپتى جاقسى بولىپ، ايەل مىندەتىن بۇلجىتپاي ورىندايتىن ەدى. ءارى بولاشاعىنان دا جايبىراقات تىنىش بولار ەدى.
10. ۋايىم- قايعىنى باستان كەشىرۋ جانە جايسىزدىقپەن قيىنشىلىقتى سەزىنۋ. ءبىزدىڭ قازىرگى كەزەڭىمىزدە ءومىر تالاس- تارتىس، پروبلەمالار ءۇستى- ۇستىنە قاباتتاسىپ، ادامدى ۋايىمداتىپ، تىنىشسىزداندىرعاندىقتان بۇل عاسىر ۋايىم- قايعى، «جايسىزدىق عاسىرى» دەپ تە اتالۋدا. بۇنداي جاعداي ەرلى- زايىپتىلار اراسىنداعى قاتىناسقا دا ىقپال ەتىپ، كەرى اسەرىن تيگىزىپ، ءوزارا ورتالارىندا تالاس- تارتىستىڭ كوبەيۋىنە الىپ بارادى. ال بۇل ورتاداعى نەكەنىڭ بۇزىلۋىنا اپارىپ سوعادى.
11. قورلاۋ، پىكىرىن تومەندەتۋ جاعدايدى شيەلەنىستىرىپ جىبەرەدى. اشۋلانىپ، قىزىپ كەتكەندە وزىنە يە بولا الماي قالۋ ۇرىپ- سوعۋ، قورلاۋعا الىپ بارادى. ەرلى- زايىپتىلار اراسىندا قىستىرما- كەكەتپە سوزدەردى قولدانۋ، ماسەلەنى تاعى دا قيىنداستىرادى. ەرلى- زايىپتىلار ارسىندا سىيلاستىقتىڭ جوعالۋى سۇيىسپەنشىلىكتىڭ جوعالۋىنا الىپ بارادى. ناتيجەدە ەكەۋىنىڭ ءبىرى ەكىنشىسىن جەك كورىپ قالادى.
12. قىزدىڭ جانۇيالىق ومىرگە دايىندىعىنىڭ السىزدىگى، ونىڭ اقىلعا سالماي ارمانداپ تۇرمىسقا شىعۋى. كەيدە قىزدار مەيىرىم- ماحابباتقا تولى، رومانتيكالىق جانە جاۋاپكەرشىلىگى بولماعان ءومىردى ارماندايدى. ال، تۇرمىسقا شىققاننان كەيىن موينىنا جۇكتەلەر اۋىر جاۋاپكەرشىلىكتەرگە تاپ بولادى.
13. قىز ەلىكتەيتىن سالىستىرۋلار. قىز ياعني كەلىنشەك تۇرمىسقا شىققان سوڭ «قۇربىمنىڭ كۇيەۋى سىيلىقتاردى ءۇيىپ- توگىپ بەرەدى، ونى قاتتى سىيلايدى، ايايدى جانە وعان مىناداي- مىنادايلاردى بەرەدى»- دەگەن سياقتى تاعى دا باسقا سالىستىرۋلار ونىڭ تۇرمىسىن، ءومىرىن ۋلاپ، ونى شىداپ بولمايتىن وتقا اينالدىرادى.
14. ەكونوميكالىق پروبلەمالار جانە ىنتىماقتىڭ جوقتىعى، سونداي- اق ايەلدىڭ كوپ شاعىمدانۋى، ەركەكتى ەركىنەن شىعارىپ، «تالاق» ءسوزىن قولداندىرىپ قويادى.
15. ايەلدىڭ جاي كۇيدە تالاقتى تالاپ ەتىپ، تالاق ءسوزىن كوپ قايتالاۋى، شىن مانىندە تالاقتىڭ بولۋىنا الىپ بارادى. سوندا ايەل وكىنەدى. ءبىراق وكىنىشتەن پايدا بولمايدى.
16. شەكتەن تىس قىزعانۋ جانە ەردىڭ ءاربىر ءىس- قيمىلىن باقىلاۋ ورتادا سەنىمنىڭ جوعالۋىنا اكەپ سوعادى.
17. ايەلدىڭ كۇيەۋىنىڭ ەكىنشى ايەلمەن تۇرمىس قۇرعاندىعىن ءبىلىپ قالىپ، وعان شىداي الماۋى، نەمەسە ونى كەشىرۋگە بولمايتىن قورلىق دەپ سەزىنۋى.
dinislam.kz
