10:34, 04 - شىلدە 2015 | GMT +6
ەلباسى استانانىڭ 17 جىلدىعىن مەرەكەلەۋدى رەسمي تۇردە جاريالايدى
استانا. قازاقپارات - بۇگىن ەلباسى نۇرسۇلتان نازاربايەۆ استانادا جىل سايىنعى ءداستۇر بويىنشا «اتامەكەن» ەتنو- مەموريالدى كەشەن الاڭىندا مەملەكەتتىك تۋ كوتەرۋ سالتاناتتى شاراسىنا قاتىسادى.
وسى ارقىلى استانانىڭ 17 جىلدىعىن مەرەكەلەۋ رەسمي تۇردە باستالادى. اتاپ ايتقاندا، مەملەكەتتىك كۇزەت قىزمەتى ۇرمەلى اسپاپتار وركەسترىنىڭ سۇيمەلدەۋىمەن مەملەكەتتىك تۋدى اكەلەدى.
سالتاناتتى شارا اياسىندا ق ر پرەزيدەنتى، ق ر قارۋلى كۇشتەرىنىڭ جوعارعى باس قولباسشىسى نۇرسۇلتان نازاربايەۆ ەلىمىزدىڭ جوعارى اسكەري وقۋ ورىندارىنىڭ تۇلەكتەرىنە وفيتسەرلىك پوگون تابىستايدى دەپ كۇتىلۋدە.
ياعني، ق ر قورعانىس مينيسترلىگى قۇرلىق اسكەرى ينستيتۋتىنىڭ، ق ر ۇلتتىق ۇلانى اسكەري ينستيتۋتىنىڭ، ق ر ۇلتتىق قاۋىپسىزدىك كوميتەتى اسكەري ينستيتۋتىنىڭ ون ەكى تۇلەگى ەلباسىنىڭ قولىنان پوگون الادى. سالتاناتتى شارا بارىسىندا پاتريوتتىق كومپوزيتسيالار مەن اسكەري مارش ورىندالادى.
اۆتور: رۋسلان عابباسوۆ
