قىزىلوردادا جىراۋ بازار وڭداسىن ۇلىنىڭ 175 جىلدىعىنا ارنالعان جىراۋلار سايىسى ءوتتى

  قىزىلوردا. قازاقپارات - قارماقشى اۋدانىنداعى كوشەنەي رۇستەمبەكوۆ اتىنداعى «جىراۋلار ۇيىندە» داڭعايىر جىراۋ، سىر سۇلەيى بازار وڭداس ۇلىنىڭ تۋعانىنا 175 جىل تولۋىنا وراي «جاميعى قازاق ءبىر تۋعان» اتتى وبلىستىق جىرشى- جىراۋلار بايقاۋى ءوتتى،

 دەپ حابارلادى قازاقپارات ح ا ا ءتىلشىسى وبلىستىق مادەنيەت باسقارماسىنا سىلتەمە جاساپ.

 قارت قاراتاۋدان، ايدىندى ارال وڭىرىنە دەيىنگى ايماقتان جينالعان جىرشىلار ونەرىنە الماس الماتوۆ، بيداس رۇستەمبەكوۆ، مايرا سارسەنبايەۆالار قازىلىق ەتتى. سىر سۇلەيلەرىنىڭ كوشىن باستاعان ساڭلاق جىراۋ مۇراسىن ناسيحاتتاۋعا ارنالعان ونەر دوداسىندا قازىلار شەشىمىمەن باس جۇلدە ءادىلحان قۋاڭبايەۆقا بەرىلدى، ءبىرىنشى ورىندى ەركەبۇلان شىڭجانوۆ السا، ەكىنشى ورىن جۇلدەسى بولات بايمۇراتوۆقا تابىستالدى. ءالي ەرسەيىت ءۇشىنشى ورىنعا كوتەرىلدى.

 بايقاۋدا جىراۋلار اتىنداعى جۇلدەلەر دە تابىستالدى. «جيەنباي جىراۋ» اتىنداعى ارنايى جۇلدە - قۋانىش العازييەۆكە، «ءدۇر وڭعار» اتىنداعى ارنايى جۇلدە اماندىق جاپپاربەرديەۆكە بۇيىردى. ال بولات رساليەۆ، فاريزا حاسەنوۆا، اقسۇڭقار بۇركىتباي، مەيىرىمجان ماحامبەتجانوۆتارعا ارنايى العىس حات تابىس ەتىلدى.

 اۆتور: ەلۋباي اۋەزوۆ