موبيلدى اۋدارىم ارقىلى اقى العان كاسىپكەرلەرگە 172 مىڭ تەڭگەگە دەيىن ايىپپۇل بار

استانا. قازاقپارات - قازىر كەيبىر كاسىپكەرلەر بانكتە اشىلعان جەكە شوتىنا ساتىلعان تاۋار، قىزمەتتەر ءۇشىن موبيلدى اۋدارىم ارقىلى اقى الادى.
None

الايدا، بۇل اۋدارىمدار باقىلاۋ- كاسسا ماشيناسى مەن POS- تەرمينال قولدانباي، تيىسىنشە چەك بەرىلمەي جۇرگىزىلەدى. بۇل - ەسكەرتۋ تۇرىندەگى اكىمشىلىك جاۋاپكەرشىلىك كوزدەلگەن زاڭ بۇزۋشىلىق، دەپ حابارلايدى قازاقپارات.

قايتادان زاڭ بۇزۋ كەزىندە سالىق تولەۋشىنىڭ سۋبەكتىنە قاراي سالىناتىن ايىپپۇل – 15 تەن 50 ا ە ك- كە دەيىن.

قازاقستان كونستيتۋتسياسىنا سايكەس سالىق تولەۋ - اركىمنىڭ مىندەتى.

سالىق ورگاندارى زاڭسىز كاسىپكەرلىك قىزمەتتى كولەڭكەدەن شىعارۋ ماقساتىندا ءتيىستى باقىلاۋ جۇرگىزەدى.

2024 -جىلدان باستاپ بانك ۇيىمدارى جەكە كاسىپكەرلەردىڭ موبيلدى اۋدارىمدارى بويىنشا دەرەكتەردى بەرە باستايدى.

كۇنتىزبەلىك ءۇش اي قاتارىنان اي سايىن 100 ءتۇرلى تۇلعادان موبيلدى اۋدارىم العان ازاماتتار باقىلاۋعا الىنادى.

ب ك م قولدانۋدى جەڭىلدەتۋ ءۇشىن 2022 -جىلدان باستاپ ب ك م فۋنكسيالارىن ەكىنشى دەڭگەيدەگى بانكتەردىڭ POS- تەرمينالىمەن بىرىكتىرۋ بويىنشا پيلوتتىق جوبا ىسكە اسىپ جاتىر.

بۇل ب ك م مەن POS- تەرمينالدىڭ ءبىر چەگىن بەرۋگە مۇمكىندىك بەرەدى.

پيلوتتىق جوباعا «كاسپي بانك» ا ق، «حالىق بانك» ا ق جانە «بانكتسەنتركرەديت» اق قاتىسۋدا.

سونىمەن قاتار، بكم چەگىن بەرمەۋ فاكتىلەرىن انىقتاۋ بويىنشا «ازاماتتىق باقىلاۋ - چەك تالاپ ەت» اكسياسى ءوتىپ جاتىر.

انىقتالعان بۇزۋشىلىقتار جايىندا «Wipon cashback» تەگىن ءموبيلدى قوسىمشاسى ارقىلى حابارلاۋعا بولادى.

«جوعارىدا اتالعان وزگەرىستەر ادال سالىق تولەۋشىلەرگە اسەر ەتپەيتىنىنە جانە تەك زاڭسىز كاسىپكەرلىك قىزمەتتى كولەڭكەدەن شىعارۋعا باعىتتالعانىنا نازار اۋدارامىز. ياعني، جەكە تۇلعالار، بۇرىنعىداي، وزدەرىنىڭ جەكە ماقساتتارى ءۇشىن - تۋىستارىنا، دوستارىنا، اتا- انالارى مەن بالالارىنا جانە باسقا دا ومىرلىك جاعدايلارعا ارنالعان اۋدارىمداردى جاساي الادى جانە قابىلداي الادى» دەپ حابارلادى مەمكىرىستەر كوميتەتى.

نەگىزىنەن سالىق ورگاندارى بيزنەستى زاڭدى جۇرگىزۋ ءۇشىن بۇكىل قولايلى جاعداي جاسادى، سالىق مولشەرلەمەسى تومەن رەجيمدەردى قاراستىردى.

سوڭعى جاڭالىقتار