الماتىدا ءىز-ءتۇسسىز جوعالعان سافار شاكەيەۆتى ىزدەۋگە 170 ادام جۇمىلدىرىلدى

الماتى. قازاقپارات - الماتىدا بەلگىلى قازاقستاندىق كومپوزيتور ەركەش شاكەيەۆتىڭ ۇلى سافار شاكەيەۆتى ىزدەۋ شاراسىنا 170 ادام قاتىسۋدا.

بۇل تۋرالى بۇگىن الماتى قالالىق ءى ءى د رەسمي وكىلى سالتانات ازىربەك ءمالىم ەتتى.

«ەگەر ءبىرىنشى كۇنى ىزدەۋ شاراسىنا 50 پوليتسيا قىزمەتكەرى جۇمىلدىرىلعان بولسا، قازىر جەتى اۋداندىق ىشكى ىستەر باسقارماسىنان 10 ادام جانە مەدەۋ اۋداندىق ىشكى ىستەر باسقارماسىنىڭ 40 قىزمەتكەرى كەلىپ قوسىلدى. بارلىعى 110 پوليتسيا قىزمەتكەرى مەن 60 ەرىكتى ىزدەۋ شارالارىن جۇرگىزىپ جاتىر»، - دەدى س. ازىربەك.

ەستەرىڭىزگە سالا كەتەلىك، 1991 -جىلى تۋعان سافار شاكەيەۆتىڭ ءىز-ءتۇسسىز جوعالعانى جايلى ارىز 16 -شىلدە كۇنى كەشكە 22:00 دە كەلىپ ءتۇستى.

اۆتور: ايبوتا جاپپاربەرگەن