استانادا ج. جابايەۆتىڭ 170 جىلدىعىنا ارنالعان ادەبي كەش وتەدى

استانا. قازاقپارات - ەرتەڭ قازاقستان رەسپۋبليكاسىنىڭ ۇلتتىق مۋزەيىندە جامبىل جابايەۆتىڭ 170 جىلدىعىنا ارنالعان «الەم اقىنى» اتتى ادەبي كەش وتەدى، دەپ حابارلايدى ۇلتتىق مۋزەيدىڭ اقپاراتتىق- يميدجدىك قىزمەتى.

بيىل قازاقستان رەسپۋبليكاسى جانە الەمدىك قاۋىمداستىق قازاقتىڭ ۇلى اقىنى جامبىل جابايەۆتىڭ 170 جىلدىعىن اتاپ وتەدى. اقىن شىعارماشىلىعى جالعىز ماقساتقا - تۋعان حالقىنىڭ مۇددەسىنە قىزمەت ەتۋگە ارنالىپ، ۇلى اقىن حالقىنىڭ جادىندا «ⅩⅩ عاسىردىڭ گومەرى» دەگەن اتپەن ماڭگى قالادى.

كەش اياسىندا ج. جابايەۆ شىعارمالارىن مانەرلەپ وقۋ بويىنشا قالالىق بايقاۋعا قاتىسقان استانا قالاسى مەكتەپتەرىنىڭ وقۋشىلارىنىڭ ورىنداۋىنداعى ج. جابايەۆ شىعارمالارىنان قۇرالعان پوەزيالىق كومپوزيتسيا كورسەتىلەدى، ۇلى اقىننىڭ اتىمەن اتالعان رەسەي قالالارىنداعى كوشەلەر جايلى بەينەسيۋجەتتەر كورسەتىلەدى.

 رەسەيدىڭ كوپتەگەن قالالارىندا جامبىل جابايەۆتىڭ ەسىمى بەرىلگەن كوشەلەر بار.

 اۆتور: مارلان جيەمباي