تۇركيادا ابايدىڭ 170 جىلدىعىنا وراي «تەمرين» جۋرنالىنىڭ ارنايى باسىلىمى جارىق كوردى
ق ر- دىڭ تۇركياداعى ەلشىلىگىنىڭ باسپا ءسوز قىزمەتىنەن حابارلاعانداي، جۋرنالدىڭ 2016-جىلعى قاڭتار-اقپان ايلارى بويىنشا جارىق كورگەن ارنايى باسىلىمى اقىننىڭ شىعارماشىلىعى مەن ءومىربايانىنا تولىعىمەن ارنالدى. وعان اقىننىڭ تۇرىك تىلىنە اۋدارىلعان تاڭداۋلى ولەڭدەرى مەن قارا سوزدەرى، سونىمەن قاتار تۇرىك جانە قازاق زاماناۋي مەن وتكەن عاسىر ىرىلەرىنىڭ كوممەنتەريلەرى ەنگەن.
ۇلى قازاق كلاسسيگىنىڭ شىعارماشىلىعىنا قاتىستى ءوز پىكىرلەرىن «قازاق تاريحى» جۋرنالىنىڭ رەداكتورى ابدىلدابەك سالىقباي، جازۋشىلار جاناباك شاعاتاي، تالاپتان احمەتجان، سەرىك ناعيموۆ، ءومىرحان ءابدىمان ۇلى، باقىتجان مايتانوۆ، سونىمەن قاتار قازاق ادەبيەتىنىڭ زەرتتەۋشىسى، تۇرىك جازىشىسى ومەر كۋچۋكمەحمەتوعلۋ ءبىلدىردى.
كوممەنتەريلەردىڭ ىشىندە وتكەن زامان ىرىلەرى ءمىرجاقىپ دۋلاتوۆتىڭ جانە جۇسىپبەك ايماۋىتوۆتىڭ تاقىرىپتىق ماقالالارى كەلتىرىلگەن.
ابايدىڭ كلاسسيكالىق شىعارمالارىن قامتىعان جۋرنالدىڭ تۇرىك تىلىندەگى ارنايى باسىلىمى ەلدىڭ مادەني يميدجىن باۋىرلاس تۇركيانىڭ قوعامدىق-ساياسي جانە عىلىمي-اكادەميالىق توپتارىنىڭ اراسىندا كوتەرۋدە ماڭىزدى ۇلەس قوسپاق.
