ابايدىڭ تۋعانىنا 170 جىل: الماتىدا «ابايدى ساعىنۋ» مۋزىكالىق-پوەتيكالىق كەشى ءوتتى - فوتو
قالا اكىمى باۋىرجان بايبەك اباي قۇنانبايەۆتىڭ قازاق جازبا ادەبيەتىنىڭ دامۋىنا قوسقان ۇلەسى تۋرالى ايتتى. ونىڭ ايتۋىنشا، ابايدىڭ شىعارماشىلىعى قازاق ادەبيەتى مەن ۇلتتىق فيلوسوفياسىن جاڭا دەڭگەيگە كوتەرگەن.
«اباي زامانىنان بەرى عاسىرلار وتسە دە ونىڭ شىعارماشىلىعىنداعى تۇيگەن ويلارى مەن يدەيالارى بۇگىن دە وزەكتىلىگىن جويىپ وتىرعان جوق. ءوز كەزەگىندە ەلباسى نۇرسۇلتان نازاربايەۆ ايتقانداي، اباي مۇراتى ءبىزدىڭ تاريحىمىزبەن، تاۋەلسىزدىگىمىزبەن، «ماڭگىلىك ەل» يدەياسىمەن تىكەلەي بايلانىستى. ءوزىنىڭ جوعارى ومىرلىك ۇستانىمىنىڭ ارقاسىندا اباي الەمگە تانىلىپ، قازاقتىڭ پاسپورتىنا، ۇلتتىق برەندكە اينالدى»، - دەدى ب. بايبەك.
كەش بويى ساحنادا اقىننىڭ بيبىگۇل تولەگەنوۆا، ماقسات ماقۇلبەكوۆ، ەركىن شۇكىمان، فارحات كوبەيەۆ، دۋلات توقانوۆ، ءابىلاحات ەسپايەۆ، شاحيزادا، رامازان ستامعازيەۆتىڭ ورىنداۋىنداعى اندەرى شىرقالدى. انشىلەرگە دانيار بايجۇمانوۆ، ءمۇسلىم امزە، تىلەۋلەس كۇرمانعاليەۆ پەن ب. بايقاداموۆ اتىنداعى مەملەكەتتىك حور كاپەللاسى، مەملەكەتتىك اكادەميالىق سيمفونيالىق وركەسترى سۇيەمەلدەۋ جاسادى.
اباي قۇنانبايەۆ 170 كە جۋىق ولەڭ، 56 اۋدارما قالدىرعان. اقىن 20 عا تارتا ءان جازىپ، «قارا سوزدەرىن» قالدىرعان.
ونىڭ شىعارماشىلىعى XIX - XX عاسىرداعى ۇلت زيالىلارىنا قاتتى اسەر ەتكەن. اباي ورىس، اراب، پارسى، تۇرىك، تاتار تىلدەرىن جەتىك مەڭگەرگەن.
بۇگىندە ۇلى اقىننىڭ اتىندا تاشكەنتتە، كيەۆتە، دەليدە، كايردە، بەرليندە كوشە بار. لوندوندا اباي اتىنداعى مۋزەي جۇمىس جاساپ تۇر. 1995-جىل يۋنەسكو-نىڭ شەشىمىمەن اباي جىلى دەپ جاريالاندى.
