قىتايدا ابايدىڭ 170 جىلدىعىنا وراي «ابايدىڭ بالالىق شاعى» اتتى مۋلتفيلم كورسەتىلمەك - كەسكىن
بۇل تۋرالى «قازاقستان» ۇلتتىق ارناسى حابارلادى.
بالا ابايدىڭ انيماتسيالىق وبرازىن جاساۋدى عۇسمان قاجىتاي ەسىمدى قانداسىمىز وسىدان ەكى جىل بۇرىن باستاعان. ءارقايسىسى 13 مينۋت بولاتىن 104 سەريالى «ابايدىڭ بالالىق شاعى» «اباي جولى» اتتى انيماتسيالىق ستۋديادا جاسالىپ جاتىر. اۆتورلار مۋلتفيلم قازاق، قىتاي، ۇيعىر، اعىلشىن تىلدەرىندە شىعاتىنىن ايتادى.
سونىمەن قاتار، انيماتسيالانعان ابايدى كورۋگە تەك قازاقستان مەن قىتاي ەمەس، وڭتۇستىك ازيانىڭ بىرنەشە مەملەكەتى قىزىعۋشىلىق تانىتۋدا.
بۇگىندە جوبانىڭ ەكى سەرياسى دايىن تۇر. وسى جىلدىڭ قىركۇيەك ايىندا كوپشىلىككە رەسمي تۇردە تانىستىرىلادى. بۇدان بولەك جوبا اۆتورى عۇسمان قانداسىمىز دارىندى قازاق جاستارى تاربيەلەنەتىن اباي اتىنداعى انيماتورلار اكادەمياسىن اشپاق. ونىڭ تۇساۋكەسەرى دە قىركۇيەك ايىنا جوسپارلانعان.
